Maria Chivitek bigarren aldiz hartu du Nafarroako presidente kargua
Maria Chivite sozialistak bigarren aldiz hartu du presidente kargua gaur, osteguna, Nafarroako Gobernuan. Bere bigarren legegintzaldi honi hasiera eman dion ekitaldian, Chivitek hitzeman du Nafarroako foru erregimena errespetatu eta hobetuko duela, eta Konstituzioa, legeak eta eginbeharrak beteko dituela.
Ekitaldian, 200 gonbidatu inguru batu dira, eta Nadia Calviño Espainiako Gobernuko presidenteordea izan da buruetako bat, Unai Hualde Nafarroako Parlamentuko presidentearekin batera. Beste erkidego batzuetako presidenteak ere egon dira bertan, Iñigo Urkullu lehendakaria tartean.
Kargua hartu aurreko hitzaldian, Maria Chivitek onartu du koalizio gobernu hau gutxiengoan dagoela Nafarroako Parlamentuan. Alabaina, "gehiengo sozial" baten gobernua dela esan du, "zentraltasunetik eta begirada barneratzaile batekin gobernatzeko" eta "elkarrizketa bidez akordioetara iristeko gaitasuna" dutelako. "Gobernu egonkorra, konfiantza sortuko duena" izango duela azpimarratu du.
Chiviteren hitzetan, "Nafarroa aurrerapenaren gotorlekua izatea nahi dutela adierazi dute bertako herritarrek emandako botoen bidez". Hori dela eta, bere lehentasunen artean aipatu ditu industriaren eraldatzea, jasangarritasuna, osasun sistema publikoa indartu eta berritzea, eta hezkuntza publikoa bultzatzea. Horrez gainera, behar handiena dutenei zuzendutako neurriak eta orain arte egindako lan politikak mantenduko dituela agindu du.
Era berean, "ETAren indarkeriaren benetako historia" ikasgeletara eramango duen eta "memoria historikoari buruzko politikak mantendu beharreko ondare gisa" ulertuko dituen bizikidetza plan bat iragarri du, eta autogobernuan aurrerapausoak egiteko lan egingo dutela baieztatu du.
Zuzenean aipatu ez baditu ere, Nafarroako presidenteak mezua helarazi die eskuineko eta ultraeskuineko alderdiei. Horren hitzetan, bere gobernua "langa gaindiezina izango da genero indarkeriaren eta klima-aldaketaren negazionistentzat, sormen artistiko eta kulturala zentsuratzen dutenentzat eta memoria historikoaren legeak atzera bota nahi dituztenentzat". "Nafarroak gaur egun dena izateari utziko dion Espainia nahi dutenei" eta "definitzen gaituzten eskuduntzak kendu nahi dituztenei" galga jarriko diela gehitu du.
Nafarroako Parlamentuko atalondoan egin den ekitaldiaren ostean, bigarren aldiz hartu du Foru Gobernuaren presidente kargua Chivitek. PSN, Geroa Bai eta Zurekin Nafarroaren aldeko botoei esker eta EH Bilduren abstentzioari esker izendatu dute presidente.
Gobernuaren erronkak
Maria Chivitek elkarrizketa eta akordioak lortzea izan ditu hizpide bere hitzaldian behin eta berriz. Hain zuzen ere, hori izango da bere erronka nagusia, Aner Ansorena aholkulariaren iritzian: koalizio gobernuaren barruan, lehenengo, eta EH Bildurekin, ondoren, akordioak lortzea.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.