Maria Chivite aukeratu dute berriro Nafarroako presidente
Maria Chivite sozialista Nafarroako presidente izendatu dute astearte honetan, Foru Parlamentuan egindako bigarren bozketan gehiengo soila lortuta, lehenengoa egin eta 24 ordura.
Nafarroako Gobernuko presidente hautatu berriak astearte honetan adierazi duenez, legegintzaldi berri honek "erronka handiak ditu aurretik", eta "berdintasuna, alor guztietan, gizarte berdintasuna, lurralde berdintasuna eta gizon eta emakumeen arteko berdintasuna" izango ditu mugarritzat.
Eskerrak eman dizkie bere ohiko kideei eta kide berriei, bere proiektua babestu duten taldeei eta herritarrei, eta esan du proiektu kontinuista batekin baina erronka berriekin egingo diola aurre etapa berri honi.
Chivitek astelehenean defendatu zuen bere hautagaitza foru parlamentarien aurrean, baina lehen bozketan ez zioten eman presidente izateko behar zuen gehiengo osoa.
Foru Parlamentuak 50 eserleku ditu, eta Chivitek bezperako emaitza errepikatu du, gobernatzeko ituna sinatu duten hiru alderdien 21 eserlekuren babesa eskuratuta: PSN (11), Geroa Bai (7) eta Zurekin Nafarroa (3). UPNk (15), PPk (3) eta Voxek (2) kontrako 20 boto eman dituzte. EH Bilduk (9) iragarri zuen abstentzioaren alde egingo zuela, eta 9 abstentzio zenbatu dituzte azkenean.
Bigarren bozketan, nahikoa zen hautagaiak aldeko botoak kontrakoak baino gehiago lortzea, eta horrela, aldeko botoak (21) kontrakoak (20) baino gehiago izan direnez, gehiengo soila eskuratu du.
Gobernuburua izango zela iragarri eta Ramon Alzorriz alderdikidea agurtu ostean, Uxue Barkos (Geroa Bai) eta Begoña Alfaro (Zurekin Nafarroa) bazkideei zuzendu zaie.
Bi hilabete eta erdi igaro dira foru hauteskundeak egin zirenetik. Aurreko gobernua osatu zuten bazkideen blokeak bi eserleku gutxiago jaso ditu azken hauteskundeetan, baina EH Bilduren abstentzioari esker, zenbakiek duela lau urteko ondorio bera ekarri dute.
Hauteskunde orokorrek eta bazkideen arteko ezadostasunek moteldu egin dute inbestidura prozesua, eta abuztuaren hasieran akordioa bilatzeko negoziazioak apurtzeko zorian egon ziren.
Azkenik, Geroa Bai (Socialberdeak eta EAJ) koalizioaren barruko desadostasunak konpondu eta Gobernuko kideen arteko bost orduko bilera egin ostean, akordioa lortu zuten, Chivite buru izango duen Exekutiborako programa eta egitura adostuta.
Inbestidura saioa astelehen eta astearte honetan egin da, abuztuko zubian, Nafarroako herri askok herriko jaiak ospatzen dituztenean, 30 gradutik gorako tenperaturarekin.
Astelehenean, hautagaiak ez zuen Ganberaren konfiantza lortu, baina asteartean, Chivitek aldeko boto gehiago lortu zituen kontrakoak baino, eta, beraz, presidente izango da berriro.
Zure interesekoa izan daiteke
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek euskara Nafarroako berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.