Kongresuak gehiengo osoz onartu du ganberan hizkuntza koofizialak erabiltzea
Espainiako Diputatuen Kongresuan euskara, katalana eta galegoa erabiltzea ahalbidetuko duen Ganberako Araudiaren erreforma onartu dute Behe Ganberan, gehiengo osoarekin (180 boto). Asteartean Osoko Bilkurak oniritzia eman zion ekimenari, eta atzo arratsaldera arteko epea zuten taldeek zuzenketak aurkezteko.
Kongresuko hizkuntza aniztasunaren alde bozkatu dute PSOE, Sumar, ERC, Junts, EH Bildu, EAJ, BNG eta CC taldeko kideek, baita Rosa Quintana PPren diputatu galiziarrak ere —'popularrek' diote nahastu egin dela bozkatzean—. Ifrentzuan, erreformaren kontrako 170 boto izan dira (PP, Vox eta UPN).
EAJk zuzenketa partziala aurkeztu du, eta Alderdi Popularrak eta Voxek, osoko zuzenketa bana testu alternatiboarekin. Horiek eztabaidatuz eman hasiera, 09:00etan, saioari. Hain justu, jeltzaleen zuzenketa onartu du Behe Ganberak (aldeko 178 boto izan ditu, eta PPko diputatuak abstenitu egin dira; Voxek kontra bozkatu du). PPren eta Voxen osoko zuzenketak, aldiz, baztertu egin ditu Kongresuko gehiengoak, 179 botorekin.
Jeltzaleek atzo baieztatu zutenez, Behe Ganberan onartzen diren legeak Estatuko hizkuntza ofizial guztietan "balio juridiko berberarekin" argitaratzea eskatu dute euren zuzenketan. Horrenbestez, aurrerantzean lege baten idatzizko bertsio guztiek, izan euskaraz, katalanez, galegoz edota gazteleraz, balio juridiko bera izango dute.
Zuzenketen eztabaidan, Joseba Agirretxea EAJko diputatuak ekimena defendatu du, euskaraz egin ere. Hain justu, une horretan PPko diputatuek ez dituzte entzungailuak jantzi, protesta gisa:
PPren eta Voxen osoko zuzenketak, baztertuta
Kongresuak atzera bota ditu eskuinaren osoko zuzenketak. PPk Kongresuko Araudia ez erreformatzea eskatu zuen, "erreforma orok Araudiaren Batzordearen onespena" behar duela argudiatuz. Hain zuzen, ganberan euskaraz hitz egitea "inozoarena egitea" zela esan eta biharamunean euskaraz hitz batzuk egin zituen Borja Semper diputatu popularrak hartu du hitza, oraingoan gazteleraz hutsean, eta berak defendatu du emendakina. Alderdi barrutik zein kanpotik kritika ugari iritsi zaizkio irundarrari herenegungo agerraldiagatik.
Vox ultraeskuineko alderdiak, berriz, besteak beste, araudiaren 15. artikuluan diputatu guztiak euren saioetan gaztelania erabiltzera behartuko dituen atal bat gehitzea eskatu zuen, batzordetan eta osoko bilkuretan parte-hartzeko duten derrigortasunarekin batera.
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".