Eneko Andueza: "Sozialistok bakarrik gaude prest herrialde hau zuzentzeko"
Eneko Andueza PSE-EEko idazkari nagusiak igande honetan azpimarratu duenez, "Hezkuntzan, Osakidetzan eta Ertzaintzan izandako gatazkek EAJren kudeaketa onaren mitoa zapuztu dute". Bitartean, Anduezaren hitzetan, sozialistek "frogatu" egin dute "inork baino hobeto" gobernatzen dutela.
PSE-EEren militanteen eta jarraitzaileen aurrean Andueza lehendakarigai gisa aurkezteko Bilbon egindako ekitaldian, Salvador Illa PSCko lehen idazkariak Alda ezazu gidoia 2024ko hauteskunde kanpainaren leloa txalotu du, "Euskadik behar duen aldaketa irudikatzen baitu".
Anduezaren iritziz, "autokonplazentzia, konformismo, neke eta gogogabetasunaren aurrean, sozialistok bakarrik gaude prest herrialde hau zuzentzeko". Ramon Rubial eta Patxi Lopezen ostean, hirugarren lehendakari sozialista izateko anbizioa azaldu du, "gizarte hobea, modernoagoa, bidezkoagoa, seguruagoa, irekiagoa, irribarretsuagoa eta zoriontsuagoa" lortzeko.
"Datozen hauteskundeak biren arteko kontua izatea nahi dute batzuek, eta horiei ere asmoak zapuztuko dizkiegu", gaineratu du. "Erratu egingo dira. Asko esateko duen alderdi bat dago hemen. EAJ eta EH Bildu lehian arituko dira hurrengo hauteskunde autonomikoen kanpainan, ea zeinek ateratzen duen ikurrin handiena, baina gu ez gara sekula horretan borrokatuko, Euskadi ez baitago denbora galtzeko", esan du.
Anduezaren aburuz, EAJk kudeatzen dituen "Hezkuntzan, Osakidetzan eta Ertzaintzan izandako gatazka irekien aurrean", legealdi honetan sozialistek kudeatu dituzte "gatazka irekirik ez duten Jaurlaritzako sail bakarrak". "Ez da kasualitatea, lanaren, elkarrizketaren eta akordio bilaketaren ondorioa baizik", gaineratu du.
PSE-EEren idazkari nagusiaren hitzetan, bere alderdiak erakutsi du "ahots propioa" duela Jaurlaritzan, eta "irizpide propioa, alderdi zorrotza garen neurrian". Gainera, "Euskadin dagoen ezker erabilgarri bakarra" PSE-EE dela esan du, "EH Bilduk oso ezkertiarra dela diolako, baina ezkerraren eta independentziaren artean, independentzia aukeratzen du beti".
Albiste gehiago politika
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.