"Hobekuntzak" baditu ere, euskararen dekretu berria "aukera galdua" dela uste du Nerea Kortajarenak
Eusko Jaurlaritzak hurrengo gobernu bileran onartuko duen euskararen dekretu berria "ez da euskararen normalizazioak administrazio publikoan behar duen dekretua", Nerea Kortajarena EH Bilduko Eusko Legebiltzarreko bozeramailearen arabera.
Radio Euskadin egin dioten elkarrizketan azaldu duenez, "momentu honetan" baziren beste baldintza batzuk "jauzi bat emateko". Horregatik, "aukera galdua" izan dela uste du. "Oldarraldi judizialak" dekretuan ondorioak izan dituela eta "mugak" eta "murrizketak" testuan horregatik jaso direla gaineratu du.
"Dekretu hau 27 urte geroago iritsi da. Administraziora goazenean ez ditugu gure hizkuntza eskubideak bermatuta, ez dugu nahi dugun hizkuntzan hitz egiteko aukerarik, eta administrazio publikoan lan egiten dutenek ez dute bermatuta euskaraz lan egitea", gehitu du.
"Euskararen kontrako oldarraldi bete-betean gaudela" eta dekretu horrek "jauzi kualitatibo" bat eman behar zuela aldarrikatu du.
Kortajarenaren iritziz, dekretuak "hobekuntzak" eta "arriskuak" ditu bere baitan. Esaterako, positiboki baloratu du dekretuaren eragin esparrua administrazio publiko osora zabaldu izana; aitzitik, deitoratu egin du % 60an Osakidetza, Ertzaintza edo Justizia kanpoan geldituko direla 2033ra arte.
Halaber, hizkuntza eskakizun asimetrikoak ontzat hartu ditu, baina hizkuntza mailari dagokion "exijentzia" murrizten ez dela bermatzeko mekanismorik ez dagoela deitoratu du. Gabeziekin lotuta, administrazio publikoa euskalduntzeko kronograma baten falta kritikatu du.
Horrez gain, atsekabetuta agertu da hasierako testutik kanpo gelditu direlako euskararen lehentasuna eta lehen hitza euskaraz egiteko aukera ahalbidetzen zuen atala ere.
Bestalde, Kortajarenak susmoa dauka Eneko Andueza (PSE-EE) EAJ-PSE-EE koalizioko "hautagai orde" gisa aurkeztuko dela Eusko Legebiltzarrerako hauteskundeetara. Ildo horretan, ituna errepikatzeko asmoa ote duten argitzeko eskatu die jeltzaleei eta sozialistei.
Zure interesekoa izan daiteke
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".