Mahaien zozketak aurreratzea proposatuko dute hainbat udalek, jakinarazpenak Aste Santuan hel ez daitezen
Iñigo Urkullu lehendakariak apirilaren 21erako deitu ditu Eusko Legebiltzarrerako hauteskundeak. Data ezarrita, horren arabera zehazten dira gainerako datak ere, tartean, hauteskunde mahaietan egon beharko diren pertsonak aukeratzeko zozketak. Egutegiaren arabera, hautaketak martxoaren 23tik 27ra egin beharko dira, gerora, hilaren 24-30eko tartea dago horiek jakinarazteko, hots, Aste Santu betean.
Datei erreparatuta, litekeena da herritarren zati handi bat oporretan, etxetik kanpo, egotea. Hori horrela, hainbat udal kezkatuta agertu dira, horrek ekar ditzakeen gorabeherekin. Radio Euskadik aurreratu duenez, besteak beste, Portugaleteko (Bizkaia) eta Eibarko (Gipuzkoa) Udalak egoerari zelan aurre egin pentsatzen ari dira. Hiri armaginak, esaterako, zozketa aurreratzeko eskatuko dio Hauteskunde Batzordeari, jakinarazpenak herritarrei garaiz heltzen zaizkiela bermatzeko.
Jakinarazpenak aurrez aurrekoak izan behar dira, eta Udalei dagokie horiek kudeatzea, gehienez hiru eguneko epean. Zenbait kasutan, Udaltzaingoa da abisua ematearen arduraduna (udalerri txikietan, aguazila), baina beste batzuetan Correoseko langileek egiten dute zeregin hori. Gutun ziurtatu bidez egin ohi da, dagokion pertsonaren etxebizitzan.
Posta zerbitzuan ere arazoak aurreikusi dituzte. Izan ere, egun horietarako opor eta librantza egunak daude aurreikusita, Isabel Castro ESK sindikatuak Correosen duen ordezkariak Radio Euskadiri aurreratu dionez. Hala, ematen du langile falta eduki dezaketela Aste Santuan.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.