Euskal Herriko Kontseilu Sozialista: "Erakundeetan ez dago erabakitzeko benetako ahalmenik"
Euskal Herriko Kontseilu Sozialistak (EHKS), hauteskunde zikloaren aurrean eta apirilaren 21eko hauteskundeak bereziki aipatuz, ohartarazi du "erakundeetan ez dagoela erabakitzeko benetako ahalmenik". Era berean, iragarri du mobilizatu eta aldarrikapenak kalera eramango dituela.
Eusko Legebiltzarraren aurrean bilduta, EHKSko Ane Ibarzabal eta Peio Ormazabal bozeramaileek adierazi dute arlo politikoan "pisurik handiena duten gaiak ez direla bozkatzen eta politika garrantzitsuak –kasurako monetarioa, militarra eta gastuari buruzkoa– nazioz gaindiko erakundeetatik ematen direla, hala nola, banku zentraletatik eta Europako Batzordetik".
Nabarmendu dutenez, "hautagai guztiek bat egiten dutela oligarkiaren agendarekin" eta, zentzu horretan, "gaur egungo egoera betikotzeko erakunde multzoa dela politika eredu instituzionala".
"Erakundeek eta hauteskundeek politikaren gaineko optika faltsu bat baino ez dute sortzen. Politika ogi-apurren banaketarekin lotzea eragiten dute. Baina kasu batean ere ez klase banaketarekin amaitzearekin. Guzti horregatik diogu, apirilaren 21eko hauteskundeetan langile klaseari eskaintzen zaizkion alternatiba guztiak faltsuak direla", salatu dute.
EHKSren ahotan, "EAEko aurrekanpaina bete betean, EAJk eta EH Bilduk alderdi bateraezinen itxura eman nahi badute ere, EAEtik kanpo etengabe elkarrekin jarduten dute". "EH Bilduk bere burua alternatiba bezala aurkezten jarraitu badezake, orain arte jaurlaritzan egotea egokitu ez zaiolako da", gaineratu dutenez.
EHKSren arabera, langileen bizi-baldintzek okerrera egiten jarraitzen dute, nahiz eta Eusko Jaurlaritzak, Nafarroako Gobernuak eta Espainiako Gobernuak aurkakoa dioen "propaganda egin".
Horregatik guztiagatik, "fartsa elektoralaren aurrean EHKSko kideen hautua da militantzian eta zuzeneko parte hartze politikoan oinarritutako kultura hedatzea". "Urte gehiegi daramatzagu esperantzak hauteskundeetan jarri behar direla entzuten eta egoerak okerrera baino ez du egin", azpimarratu dute.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.