Botere Judizialaren Kontseilu Nagusiak Amnistia Legearen kontrako txosten gogor bat onartu du
Botere Judizialaren Kontseilu Nagusiak Amnistia Legearen kontrako txosten gogor bat onartu du ostegun honetan, sektore kontserbadoreak sustatu eta babestuta eta bokal aurrerakoiek errefusatuta. Txostenaren arabera, lege proposamena Konstituzioaren kontrakoa da, eta botere banaketa urratzen duela ohartarazi du.
Iturri juridikoek azaldu dutenez, Wenceslao Olea bokalaren proposamenak bere kide Mar Cabrejasenak baino babes zabalagoa lortu du, bide batez, aurreikus zitekeena, epaileen gobernuaren organoan gehiengo kontserbadorea dagoela kontutan hartuta. Hala, Olearen txostena izango da Senatura igorriko dena, hark BJKNri eskatutako iritzia biltzen duen erantzun gisa.
Bederatzi bokalek bozkatu dute Wenceslao Olea kontserbadorearen proposamenaren alde, eta bostek Mar Cabrejas aurrerakoiarena. Vicente Guilarte presidenteak eta Enrique Lucas bokalak zuri bozkatu dute.
Aldaketarik gabe onartu den Olearen proposamenak ohartarazten duenez, konstituzioaren kontrakoa da araua, diotenez, ez Auiztegi Konstituzionalaren doktrinak, ez Auzitegi Gorenaren jurisprudentziak ez dute bide ematen Amnistia gure Zuzenbidean aitortua dagoela ondorioztatzeko".
Arauaren "teknika juridiko eskasa" kritikatzen du eta tramitazio parlamentario "ausazkoa", ez dagoelako interes orokorrik eta legeak biztanle batzuen eta besteen arteko "berdintasun printzipioa urratzen" duelako; halaber, "testuak botere banaketa urratzen" duela dio txostenak, "ez delako onargarri botere Legegileak epaitegien erabakiak indarrik gabe uztea", Konstituzioak berariaz baimendutako salbuespenezko kasuetan izan ezik, Gobernuak erabakitako indultu partikularren kasuetan, esaterako.
Gainera, terrorismo-delitu guztiak amnistiatik kanpo uztearen alde egin du, eta ohartarazi Europatik datorren atxilotze-agindu bat indarrik gabe uztea EBko Zuzenbidearen aurkakoa izan daitekeela.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.