Sozialistek babes osoa agertu diote Sanchezi, eta PPk bitimarena egitea egotzi dio
Eneko Andueza PSE-EEren idazkari nagusiak adierazi duenez, "eskuinak eta ultraeskuinak muga guztiak gainditu dituzte", Begoña Gomezi egindako akusazio eta salaketa direla eta.
"Inork ez dezala ahaztu; dauzkagun ardura politikoez harago, pertsonak gara", esan du euskal sozialisten buruak X sare sozialean zabaldutako mezu batean.
Ildo beretik agertu da Patxi Lopez PSOEren Kongresuko bozeramaleak. Lopezen esanetan, Sanchezek "ordezkatu egiten duen beharrezkoa den duintasuna eta ausardia eskuin immoral baten aurrean", eta "animoak eta indarra" helarazi dizkio.
"Bi gauza esan behar dira: bata, Irene Montero hilabeteetan bere seme-alaben aurrean jazarri zutenak, Monica Oltra gezurrarekin politikoki hil zutenak eta erreferendum baten ondorioz jendea kartzelan sartzea agian ondo zegoela konbentzitu zintuztenak, orain…", idatzi du Gabriel Rufian ERCk Kongresuan duen bozeramaileak X sare sozialean.
"Ondo dakigu zer den lawfare-a eta zer helburu bilatzen dituzten bultzatu eta babesten dutenek. Beti aurkituko gaituzte herriaren agindua eragotzi nahi dutenen aurrean", azpimarratu du Mertxe Aizpurua EH Bilduko diputatuak sare sozial berean.
Alberto Nuñez Feijoo PPko buruzagiak, ostera, "utzikeria" eta bere burua biktimizatzea leporatu dio Sanchezi, Kataluniako eta Europako hauteskundeen aurrean hautesleak "polarizatzeko eta mobilizatzeko" asmoarekin. Feijook, gainera, bere gutunean aipatzen dituen pertsonak iraintzea eta difamatzea leporatu dio Espainiako gobernuburuari, besteak beste, bera, PPko buru gisa. "Dagoeneko nazioarteko prentsan gaude, ez dut halakorik nire bizitzan ikusi", gaineratu du.
Bestalde, Rafael Hernando Alderdi Popularraren Kongresuko ondoko bozermale eta diputatuaren ustean, Espainiako Gobernuko presidenteak "biktimarena egiten" jarraitzen du eta, erantsi duenez, oraindik "ez du hitzik esan saleroskeriaren inguruan".
Javier Maroto PPren senatariak adierazi du gaurkoa "Sanchezen enegarren itzulipurdia" dela, "kanpainaurreko ekitaldia, biktimarena egiteko".
Voxek ere "biktimismoa" leporatu dio Sanchezi, "bere agintaldia hartu duen ustelkeria lupetza estaltzeko" asmoarekin. Gainera, dimisioa emateko eta, ondoren, "nahi badu", hausnarketa egitea eskatu du.
Yolanda Diaz Sumarreko buru eta Gobernuko bigarren presidenteordeak sare sozialen bidez adierazi duenez, "eskuinaren erasoaldia ezin da berearekin atera". "Demokrazia, bloke aurrerakoia eta jendearen bizitza hainbeste hobetu duen koalizio-gobernuaren zilegitasuna defendatu behar dira", adierazi du Diazek.
Ione Belarra Podemoseko buruzagiak "elkartasuna eta enpatia" adierazi dio Espainiako Gobernuko presidenteari, bere alderdiak "lawfare-ak zer esan nahi duen ondo dakiela" azpimarratuta. Hori bai, Pablo Iglesias presidenteorde ohia eta Gobernuko ministro ohi bat, Irene Monterori erreferentzia eginez, "jazarri" zituztenean gerra judizialari eta "jazarpen mediatikoari" aurre egin behar ziotela esan du.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.