Zer da Aliança Catalana? Espazio subiranistan ezinegona eragiten duen alderdi islamofoboa
'Salba dezagun Katalunia!' lelopean, Silvia Orriols Serra buru duen Aliança Catalana bi eserlekurekin sartu da Kataluniako Parlamentuan eta jarrera islamofobo, etnizista eta immigrazioaren aurkakoak eramango ditu bertara. Subiranistak dira baina Voxen antza dute horretan, eta hori dela eta, gainontzeko talde independentistek ez dute eurekin inolako zerikusirik izan nahi.
Silvia Orriolsek 2023ko udal hauteskundeetan egin zen ezagun, Ripolleko (Girona) alkate izatea lortu zuenean, baina askoz lehenagotik zen ezaguna sare sozialetan, profil oso polemikoa baitzuen, mezu xenofoboengatik, batez ere.
1984an Vic-en (Bartzelona) jaioa, Bibliotekonomian eta Dokumentazioan diplomatu zen Orriols Vic-eko Unibertsitatean eta lau seme-alabaren ama da.
2004an, Estat Catalarekin aurkeztu zen Europako hauteskundeetara, eta, geroago, Front Nacional de Catalunya (FNC) eskuin muturreko taldean sartu zen. 2019an estreinatu zen Ripolleko Udalean FNCko zinegotzi gisa, eta hurrengo urtean hura utzi eta Aliança Catalana sortu zuen. Bi sentimenduri esker hazi da, batez ere, alderdia: batetik, independentismoaren zati batek azken muturreraino ez joan izana leporatzen dio ERCri, JxCati eta CUPi; eta, bestetik, 2017ko atentatu jihadistek Katalunian eragin zuten inpaktuagatik. Abdelbaki Es Satty izan zen buruz, Ripolleko imana, hain zuzen ere.
Independentzia lortzeko aldebakarreko bidea aldarrikatzen du
Carles Puigdemonten miresle sutsua izan zela aitortu du Orriolsek, baina, azkenean, proceseko alderdien "epeltasunagatik" desengainatu egin zela. Hala eta guztiz ere, ez zuen baztertzen Puigdemonten balizko inbestidura babestea, baina "Kataluniaren askapen nazionalaren alde borrokatzeko eta immigrazio-politika negargarriei buelta emateko" baldin bada.
Orriolsek aldebakarreko independentzia deklarazioa (DUI) aldarrikatzen du bideorri gisa, "zortzi segundora" bertan behera utziko ez dena, hortzekin defendatuko dena eta Espainiako legeak automatikoki indargabetuko dituen "Kataluniako legalitate berri bat" ezartzea ahalbidetuko duena.
Gogoan izan behar da, dena dela, Juntsek, ERCk eta CUPek itun antifaxista bat sinatu dutela Voxi eta Aliança Catalanari "osasun hesia" edo betoa ezartzeko.
Gorroto-diskurtsoa
Orriolsek ez du eragozpenik bere burua "islamofobo" gisa definitzeko, Islamak "beldurra" ematen diola esan izan du behin baino gehiagotan, "mendebaldeko balioekin bateragarria ez den bizi-eredu bat inposatzen saiatzen den ideologia politiko-erlijiosoa" dela, eta etorkinei delinkuentzia-iturri izatea, laguntza publikoekin geratzea eta katalantasuna itotzeko bidean doan ordezkapen etnikoa eragitea leporatzen die.
Zure interesekoa izan daiteke
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
Botere Judizialaren Kontseiluak atea zabaldu du Peinado epaileari espedientea irekitzeko, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.