ERCk zuzendaritza berritzeari ekingo dio, Generalitateko gobernagarritasunari buruzko erabakia tartean dela
Esquerra Republicana de Catalunyak (ERC) bere zuzendaritza berritzeko bidean beste pauso bat emango du astelehen honetan, orain arte alderdiko presidente izan den Oriol Junquerasek formalki kargua utziko baitu. Hala ere, ERCk azaroaren 30ean egingo duen kongresuan bere burua aurkeztuko du berriro alderdiburu izateko asmoz.
Zuzendaritzaren gaurko bileran ofizial egingo da Junquerasen irteera eta bihar alderdiaren egoitzara joango da bere bulegoko gauzak jasotzera. Bien bitartean, presidentearen lanak Marta Rovira idazkari nagusiak egingo ditu, ERCko iturriek azaldu dutenez.
Gauzak horrela, Junqueras militante soil bat izatera igaroko da, hots, alderdiak jarritako bulegorik, ordenagailurik, autorik eta gidaririk gabe. Hala ere, ERCk Kataluniako prozesuagatik kargu publikorako inhabilitatuta daudenei —2031ra arte, amnistia indarrean sartu zain— ematen dien soldata jasotzen jarraituko du.
Dena den, Junquerasek ez du gaur-gaurkoz argitu ERCren zuzendaritzak hartu beharko dituen erabakien aurrean bere iritzia emango duen ala ez.
Azaroko kongresuaren aurretik, ERCk Kataluniako Generalitatearen gobernagarritasunaren inguruko erabakia hartu beharko du. Pasa den maiatzaren 12ko Kataluniako hauteskundeetan hirugarren indarra izan ondotik, bere 20 diputatuak erabakigarriak izan daitezke Salvador Illa (PSC) edo Carles Puigdemont (Junts) Generalitateko presidente egiteko. Marta Rovirak gidatuko ditu negoziazioak Suitzatik, baina dagoeneko argi eta garbi utzi diote PSCri bere babesaren truke bide eman beharko diola Kataluniarentzako "finantziazio berezia" onartzeko proposamenari. Edozein kasutan, inbestidurari buruzko azken erabakia militantziak izango du.
Junqueras-Rovira tandemaren agurra
Oriol Junquerasek (presidentea) eta Marta Rovirak (idazkari nagusia) osatutako bikoak 13 urtez gidatu du alderdia, Kataluniako prozesua, Junquerasen espetxealdia eta Roviraren erbestealdia barne. Europako hauteskundeen aurreko hiru hauteskunde hitzorduetan izandako emaitza txarren ondotik —azkena, Kataluniako Parlamenturako hauteskundeetan, 33 ordezkari izatetik 20 izatera igaro zen—, Pere Aragonesek, Marta Rovirak eta Oriol Junquerasek zuzendaritza uzteko asmoa iragarri zuten, azken horren kasuan berriro ere hautagai gisa aurkezteko.
Aragonesek jarduneko presidente izaten jarraituko du Kataluniako Gobernu berria osatu arte. Era berean, ERCko koordinatzaile nazionalaren kargua utziko du bere ordezkoa izendatzen dutenean. Rovirak azaroko kongresuan utziko du idazkari nagusi kargua, eta bien bitartean, alderdiko idazkari nagusi eta presidente karguak uztartuko ditu. Junquerasek, berriz, pauso bat albora emango du berriro ere presidente kargura aurkezteko. Nolanahi ere, militantziak izango du azken hitza kongresu nazionalean.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.