Eider Mendoza: "AHTren Ezkio-Itsasoko konexioa ezinbestekoa da Gipuzkoarentzat"
Abiadura handiko trenaren EAEko linea eta Iruñakoa lotuko dituen puntua Gasteiz izango dela, ez Ezkio-Itsaso, indarra hartzen ari den honetan, Gipuzkoako Ahaldun Nagusi Eider Mendoza kezkatuta agertu da. Bere hitzetan, Nafarroarekiko lotura Gipuzkoatik urruntzea "oso albiste txarra" da. Azaldu duenez, "Ezkio-Itsasoko konexioa ezinbestekoa da gure lurralderako, Goierri, Urola eta Debagoiena bailarei zerbitzua emango dien geltoki batekin". Alternatiba hori "irmoki defendatuko" dutela azpimarratu du.
Diputatu nagusia ez dator bat Nafarroarekin egin beharreko lotura hori Arabako hiriburutik egitearen alde mahai gainean jarri diren argudioekin. Zehaztu duenez, Donostiatik Iruñera joateko, Ezkio-Itsasoko irtenbidea "25 minutu laburragoa da beste alternatiba baino, eta horixe da, hain zuzen ere, AHTren balio nagusia: ibilbideen azkartasuna".
Bere iritziz, "urteetan zain egon ondoren", Gipuzkoako herritarrek "ez lukete ulertuko eta ez lukete partekatuko" Nafarroarekiko lotura Arabako hiriburura eramatea "mahai gainean dagoenean aukera bat zuzenagoa dena, eragin paisajistiko txikiagoa duena eta EAEko eta Nafarroako hirien arteko trenbide-konektibitatea hobetzeko eraginkorragoa dena".
Mendozak esan duenez, "gure gizartearen deskarbonizazioa eta mugikortasun jasangarria bultzatzeko funtsezkoa" izango da trenbie hau. Hori dela eta, "ezin dugu ontzat eman ibilbideen denborak luzatuko dituen eta herritarrek egingo duten erabilerari eragin diezaiokeen irtenbide bat", gaineratu du.
Bestetik, konexioa Gasteizera eramateko argudio gisa, AHTaren aurka dauden alderdiek gobernatzen dituzten udalerri batzuk trena eraikitzeko izapideak moteltzen ari direla esatea ez da onargarria Mendozarentzat. Horregatik guztiagatik, inplikatutako administrazio guztiei eskatu die azpiegitura honen eraikuntza azkartu ahal izateko izapide guztiak errazteko.
Azkenik, diputatu nagusiak eskatu du Gipuzkoan AHTa martxan jartzeko falta diren obretan aurrera egiten jarraitu dadila eta Donostia, Irun eta Ezkio-Itsasoko geltoki berriak eraikitzeko lanak azkartu daitezela; halaber, Espainiako Gobernuari eskatu dio, espreski, lehentasuna eman diezaiola AHTa Nafarroarekin Ezkio-Itsasotik lotzeari.
Horrekin batera, Mendozak Ezkio-Itsasoko alternatiba berretsi du eta konpromisoa hartu du jarrera hori datozen egunetan osatuko den Eusko Jaurlaritza berriari eta Espainiako Gobernuari helarazteko, "balantza ahalik eta lasterren Ezkio-Itsasoko konexiora bidera dezaten".
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.