Ausardia eskatu die Pradalesek sailburu berriei, horiek karguaren zina egin berritan
Imanol Pradales lehendakaria eta XIII. legegintzaldiko Eusko Jaurlaritzako 15 sailburuak 09:15ean hasi dira iristen Ajuria Eneara, banan-banan. Pradales bere izan da jauregira sartzen lehena; atzo sinatu zituen sailburuen izendapenen dekretuak eta gaur argitaratu dira Euskal Herriko Agintaritzaren Aldizkarian.
Kargu-hartze ekitaldia 10:00etan hasi da. Lehendakariak Jaurlaritza berria osatuko duten sailburu guztiak izendatzeko dekretuak irakurri ditu, eta, horren ostean, kargua hitzeman dute sail bakoitzeko arduradunek, euskaraz eta gaztelaniaz. Ondorengo formula erabili dute: "Hartzen dudan agintea Euskadiren zerbitzuan eta legearen arabera zintzo eta leialki erabiliko dudala hitz ematen dut". Eusko Legebiltzarreko Mahaiko kideak eta Gobernu koalizioa osatzen duten EAJko eta PSE-EEko ordezkariak egon dira ekitaldian.
Sailburuek kargua hartu ondoren, lehendakariak hitza hartu du, "Euskadiren aldeko apostua" egiteagatik eskerrak emateko. "Eskerrik asko aurrerapausoa emategatik, eta Euskadiren aldeko apustua egiteagatik. Herritarren aurrean konprometitu zarete. Talde honen helburua argia da: gure herria ongizatean hasteko lana egitea, herritarren bizi kalitatea hobetzea", esan du.
Hori esan ondoren, ausardia eskatu dio Pradalesek bere lantaldeari. "Gure herriak hori eta askoz gehiago merezi duelako. Apaltasunez eta ilusioz egingo dugu, jendearen arazoak gure egin eta horiei irtenbidea emanez (...) Konfiantza osoa dugu zuengan, baina lana egin behar".
"Euskadi berriaren agenda" jarri du erdiguenean lehendakariak, eta hiru ardatz aipatu ditu: "ongizate berria, Euskadi globala eta Euskadi humanista". Horrekin batera, "autogobernuan sakontzeko" konpromisoa berretsi du, "Gernikako Estatutu osotasunean bete eta estatutu berrirako ituna lortzeko".
Hitzon ondoren, argazki ofiziala atera dute Ajuria Enearen kanpoaldean, eta sailburuak ere komunikabideen aurrean agertu dira, euren lan-lerro nagusiak zeintzuk izango diren azaltzeko.
Ekitaldiaren ondoren, lehenengo Gobernu bilera egin dute, eta bertan hartu ahal izango dituzte lehen erabakiak.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.