Begoña Gomezek ez deklaratzeko hautua egin du, berme falta ikusten duen abokatuaren gomendioari jarraiki
Begoña Gomezek uko egin dio ostiral honetan epailearen aurrean deklaratzeari, horretarako eskubidea baliatuta. Izan ere, ez deklaratzea gomendatu dio Antonio Camacho abokatuak, prozeduran berme-falta sumatzen duelako. Espainiako Gobernuko presidentearen emaztearen kontrako auzia zabalik du Juan Carlos Peinado epaileak, influentzia-trafiko eta ustelkeriaren ustezko delituak egotzita.
"Ordezkatzen dudan Gomez andereak ez badu deklaratu, ez da ezkutatzeko ezer duelako, baizik eta defentsa honek deklarazio hori ez egiteko gomendatu diolako", esan du Antonio Camachok hedabideei Castilla plazako epaitegietatik ateratakoan egindako adierazpenetan.
"Gure ustez, eta Probintzia Auzitegiaren autoari jarraituz, prozedura honek ez du inolako xederik une honetan, batez ere, Probintzia Auzitegiaren ebazpenaren ondotik egin diren diligentziek ez dutelako inongo ekarpenik egin. Are gehiago, Guardia Zibilaren atestatuek jaso dute ez dagoela inongo irregulartasunik", esan du Camachok.
Camachok beharrezko ikusten du instrukzio-epaileak ikerketaren muga batzuk ezartzea. Izan ere, azaldu duenez, Gomezek egindako "ekintza, jokabide eta portaera guztiak" ikertzen ari da, "haren senarra Espainiako Gobernuko presidentea denetik". Horren iritziz, "bistakoa" da epaile batek ezin duela "edozer gauza ikertu, ikerketaren xedea zein den zehaztu behar du, hori bermea delako ikertuentzat, eta egin duen zehaztapenarekin, eta uztailaren 1eko autoan jasota dagoen haritik, prozedura edukirik gabe gelditu da", gehitu du.
Pedro Sanchezen emaztea ikertu gisa deklaratzera deituta zegoen, influentzia-trafikoa eta negozioetan ustelkeria delituak egotzita, Manos Limpiasen salaketa baten ondorioz. Prozeduran, Vox, Hazte Oir, Iustitia Europa eta Berrikuntza Politikoaren Mugimendua ere badaude. Fiskaltza hasierako salaketa onartzearen aurka agertu zen.
Uztailaren 5ean izan zuen Gomezek lehen agerraldia, eta orduan esan zuen ez zekiela zer zen leporatzen ziotena, eta Hazte Oir elkartearen kereilaren berri ez ziotela eman. Hori ikusirik, bertan behera utzi zuen epaileak agerraldia, eta ostiral honetarako jarri zuen data.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".