Barrabesen deklarazioa bertan behera geratu da osasun arrazoiak tarteko, Begoña Gomezen aurkako auzian
Juan Carlos Peinado epaileak bertan behera utzi du gaur goizean Juan Carlos Barrabes enpresaburuaren deklarazioa bideokonferentzia bidez, eta abuztuaren 1era atzeratu du. Ikertuak gaixotasun larri bat du eta lekuko gisa deklaratu zuen pasaden uztailaren 15ean, hori ere, bideokonferentziaz. Lau egun geroago, baina, beste hitzordu batetara deitu zuen epaileak, oraingoan ikertu gisa, eta gaur zuen horretarako eguna.
Iturri juridikoek jakitera eman dutenez, Carlos Peinado epaileak, Begoña Gomez influentzia trafikoa eta ustelkeria egotzita ikertzen ari denak, galdeketa atzeratzea erabaki du astelehen honetan, osasun arazoak tarteko.
Barrabesek iragan uztailean lekuko gisa deklaratu zuen, gaixotasunak behartuta, bideokonferentzia bidez, eta aitortu zuenez, behin baino gehiagotan bildu zen Moncloan Gomezekin. Gaineratu zuenez, hitzordu horietakoren batean, gainera, Pedro Sanchez bera ere bertan izan zela adierazi zuen. Gauzak horrela, herri-akusazioak berriro deklaratzera deitzeko eskaria egin, baina oraingoan ikertu gisa.
Uztailean egin moduan, gaurkoan ere hiztordua bideokonferentzia bidez ziren egitekoak, baina bertan behera geratu da, epaileak hala erabakita, osasun arazoak tarteko, eta abuztuaren 1era atzeratzeratu dute.
Juan Carlos Peinado epaileak agenda bete-beteta du aste hobetan, Gomezen aurkako auziaren baitan. Barrabesen aurretik, Joaquin Goyache Madrilgo Unibertsitate Konplutentseko errektoreak deklaratu du, eta epaitegietatik ateratzean esan du galdera guztiei erantzun diela, baina ezin zuela gehiago zehaztu, kasua judizializatuta dagoelako.
Bihar, berriz, epailea Moncloara joatekoa da, Pedro Sanchez Espainiako Gobernuko presidentea galdekatzeko lekuko gisa. Begoña Gomezen abokatuak eta Fiskaltzak helegiteen bidez eragotzi nahi izan dute agerraldi hori, eta presidenteak berak idatziz deklaratzea eskatu du. Oraingoz, baina, biharko hitzorduari eutsi dio Peinado epaileak, Moncloa Jauregian, goizeko 11etarako. Momentuz, Voxeko abokatuak ere eskubidea izango du Sanchezi galderak egiteko.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.