Sanchezek kereila aurkeztu du Peinado epailearen aurka, prebarikazioa leporatuta
Pedro Sanchez Espainiako Gobernuko presidenteak kereila aurkeztu du Juan Carlos Peinado epailearen aurka, prebarikazioa leporatuta. Madrilgo 41. Instrukzio Epaitegiko buruak Begoña Gomez —Pedro Sanchez Espainiako gobernuburuaren emaztea— ikertzen ari da, influentzia-trafikoa eta negozioetan ustelkeria egotzita.
Zehazki, Estatuko Abokatutzaren bitartez aurkeztu du kereila.
Kereilak Madrilgo Justizia Auzitegi Nagusiari eskatzen dio Peinado epailea iker dezala ustezko prebarikazioagatik. Bere ustez, epaileak "jakinaren gainean" eman zituen hainbat ebazpen "bidegabe" eta arauan xedatutakoaren aurkakoak, "ikertzeko betebeharretik aldentzen diren usteak" aintzat hartuta.
Kereilaren aurkezpena justifikatuta dago Gobernuaren Presidentetza erakunde bezala "defendatzeko beharragatik", Peinado epailearen "jarduera puntualen" aurrean, baina horrek ez du esan nahi "botere judizialaren aurkako erasoa denik, baizik eta botere horren ordezkari baten erabilera puntualetik urruntzeko ahalegina, Konstituzioak debekatutako arbitrariotasunetik".
Arbitrariotasun horrek "Estatuko beste botere baten ordezkari gorenari" eragin dio, hau da, Exekutiboari", eta horrek magistratuaren jokabide bidegabea azaltzen omen du.
Estatuko Abokatutzaren ustez, Peinadok bi ebazpenetan prebarikatu zuen, besteak beste, Moncloan Espainiako gobernuburua lekuko gisa deitu zuena, "1882tik Prozedura Kriminaleko Legeak eskaintzen dizkion bermeak" kendu zizkiola iritzita, eta "azalpen alternatiborik" eman gabe.
Abokatutzaren arabera, idatziz deklaratzen utzi behar zion. "Ezin da pertsona bat bereizi eta senar gisa galdetuko zaiola pentsatu, ikerketaren xedea, esan bezala, ikertuaren senarra Gobernuko presidente izatea denean", dio.
Gainera, zalantzan jarri du agerraldia grabatzeko erabakia, "egoitza judizialerako pentsatutako" formaltasuna delako. Bere ustez, Sanchezek "zuzentzen duen erakundea iraindu egin du" Peinadoren jardunak.
Gaur goizean, Pedro Sanchezek bere emaztea ikertzen ari den epailearen aurrean ez deklaratzeko eskubideari heldu dio. Prozedura Kriminalaren Legearen (PZLb) 416. artikuluaren arabera, Begoña Gomezen ezkontidea "deklaratzeko betebeharretik salbuetsita" dago.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.