ERCko gazteek Illaren inbestidura babestea erabaki dute
Jovent Republicako (ERCko gaztediaren kontseilua) zuzendaritza batzordeak Salvador Illa hautagai sozialistaren inbestidura babestea erabaki du gaur. "Baietz kritikoa" izan da gazte errepublikanoen hautua. Horrela, Illak 68 eserlekuko gehiengo absolutua ziurtatu du.
Iragan astean, botoa emateko eskubidea zuten ERCko militanteen % 77k (6.349 pertsona) parte hartu zuten alderdiaren kontsulta telematikoan, eta % 53,5ek (3.397) PSCrekin adostutako akordioa eta Salvador Illa sozialistaren inbestidura babestu zituzten.
Jovent Republicak, ERCrekin lotutako gazte erakundeak, aldiz, ez du gaur arte bermatu Mar Besses diputatuak inbestidura babestuko duela.
ERCko militanteek babes estua eman zioten alderdiaren egungo zuzendaritzari, Marta Rovira buru duenari, PSCrekin lortutako aurreakordioa defendatu duelako.
ERCk PSCrekin 25 orrialdeko dokumentu batean jasotako akordioak "finantzaketa berezia" aurreikusten du Kataluniarentzat, baita administrazio publikotik kultura katalana indartzeko edo gatazka politikoaren konponbidean aurrera egiteko neurriak ere.
Jovent Repubilcak uste du PSCrekin egindako akordioak "osagai positibo batzuk" dituela, neurri batean sozialisten jarrera "eskuindarrenak" zuzentzen dituelako, baina horrek ez du eragozten erakundeak "mesfidantza argia" izatea hitzartutakoa betetzearen inguruan.
Horrela, Bessesek oposizio "gogor, argi eta sendoa" egingo du, eta "akordioa betetzeko benetako berme" gisa kokatu nahi du bere burua.
Bessesek berak horrela baloratu du gazte errepublikarren erabakia bileraren ostean: "Konfiantzazko botoa ematen diogu lortutako akordio onari. Baina Illa jaunak argi izan behar du: ez gara berataz fidatzen. Ituna ez betetzeak ondorioak izango ditu", adierazi du X sare sozialean. "Eta, beti bezala, Jovent Republicaren militantziaren lezioa: konpromisoa, heldutasuna eta adimena", erantsi du.
Jovent Republicak Kataluniako ganberan dituen ordezkariek ERCko gainerako talde parlamentarioetatik bereizita bozkatu dute iraganean, baina inoiz ez dute egin inbestidura baten testuinguruan.
Jovent Republicaren oniritziarekin, eta ERCko militanteen baiezkoaren ostean, Illak gertuago ikusten du Generalitateko presidentetza, baina oraindik ere oztopo bat gainditu beharko du; izan ere, Carles Puigdemont presidente ohiak hitzeman du Kataluniara itzuliko dela inbestidura saiorako, atxilotua izateko arriskua izan arren, eta horrek agertoki politikoa alda dezakeela.
Zure interesekoa izan daiteke
Maribel Vilaplanak lekuko gisa deklaratuko du astelehen honetan, sendagiria jaso ostean
Bien bitartean, gero eta ahots gehiago entzuten dira Mazonen balizko dimisio bati buruz, eta Vicente Mompo bere ordezko gisa aukeratzeari buruz.
Valentziako PPk Vicente Mompo babestu du Mazonen ordezko gisa
Valentziako PPko buruzagiek Diputazioko presidentea aukeratu dute Generalitateko presidente izateko, Carlos Mazonen balizko dimisioaren aurrean eta hurrengo hauteskundeetarako hautagai gisa.
EAJk etxebizitza, segurtasun eta osasun arloetako aurrekontu igoera txalotu, eta EH Bilduk negoziatzeko borondate falta kritikatu du
PSE-EEk osasuna eta hezkuntza "aseta" daudela defendatu du, eta PPk zergen igoera salatu du.
Nafarroako PPk osoko zuzenketa aurkeztuko dio Chiviteren Gobernuko aurrekontu proiektuari
Popularrek adierazi dute ez dituztela "ustelkeriaz jositako" Gobernu baten aurrekontuak onartuko, eta sozialisten eta EH Bilduren arteko harremana kritikatu dute.
?fmt=webp-alpha&qlt=80)
Aske geratu dira Iruñean izandako istiluengatik atxilotutako bi lagunak
Vito Quiles ultraeskuindarrak Nafarroako Unibertsitateko campusean egin behar zuen ekitaldi politikoaren aurkako protestan atxilotu zituzten.
Gipuzkoako Batzar Nagusietan oposizioan dauden taldeekin 2026rako asmoak negoziatzen hasi da Foru Aldundia
EH Bildu, PP eta Elkarrekin Podemoseko ordezkariak hartu dituzte ostiral honetan, aurrekontu proiektua azaldu eta horien iritziak jasotzeko. Lehen hartu-emana baino ez da izan, baina ezezko borobilik ez dute jaso.
Bizkaiak 1.716 milioi euroko aurrekontua aurkeztu du 2026rako, eta erdia gastu sozialera bideratuko du
Aurrekontu proiektua ia % 4 handitu da. Elixabete Etxanobe diputatu nagusiak adierazi duenez, proiektuak "inbertsio orekatuak ditu eskualde guztietan".
PSOEk Abalosi eta Koldori egindako ordainketak ikertzeko eskatu dio Gorenak Auzitegi Nazionalari, dirua zuritu duelakoan
Epailearen ustez, baliteke gastuen likidazioen bidez dirua zuritu izana. Alderdiak, ikertuek zein lekuko gisa deklaratu zuten alderdiko langileek ez dute ezer argitu horren inguruan.
Nafarroako Gobernuak eta EH Bilduk akordioa lortu dute 2026ko aurrekontuak aurrera ateratzeko
Asteak negoziatzen eman ostean, EH Bilduk zazpigarrenez ahalbidetuko ditu Nafarroako Gobernuaren aurrekontuak.
Arana zentroak 200 plaza izango ditu gehienez, eta gasteiztarrekin partekatuko ditu instalazioak
Maider Etxebarria Gasteizko alkateak iragarri duenez, Ministerioak Udalak proposatutako hainbat hobekuntza-neurri onartu ditu, eta, horri esker, "Arana zentroa hiriaren errealitatera eta beharretara egokitu ahal izango da, eta, aldi berean, errefuxiatuei arreta hobea ematen zaiela bermatuko da". Erabakia ez dute ondo hartu ez Sumarrek ez EH Bilduk. EAJk, bere aldetik, bereari eutsi dio, eta zentroaren eredua bera dela eta ez zaiola gustatzen berretsi du.