Torresek Confebask eta ELArekin itxi ditu patronala eta sindikatuekin izandako bilera "eraikitzaileak"
Mikel Torres Ekonomia, Lan eta Enplegu sailburuak Confebaskekin eta ELArekin amaitu du aste honetan patronalarekin eta sindikatuekin izan duen bilera-sorta. X sare sozialean idatzi duenez, "oso eraikitzaileak" izan dira bilerak.
Tamara Yague Confebaskeko presidentearekin izandako bilera "adeitasunezko" giroan egin da, patronalaren arabera. "Ekonomiaren eta enpresen garapenaren, enplegua sortzearen eta euskal gizarte osoaren ongizatearen alde elkarrekin lan egiteko erabateko prestutasuna" agertu du patronalak.
ELAk, bestalde, lan-osasuna lehentasun gisa jartzeko eskatu dio sailburuari. Mitxel Lakuntza idazkari nagusiak parte hartu du bileran, eta sindikatuak esan dio beharrezkoa dela "fokua patronalean jartzea"; izan ere, uko egiten dio negoziazio kolektiboan "oinarrizko hobekuntzak" onartzeari, eta grebek bakarrik ahalbidetzen dute "hitzarmen gehiago eta hobeak" lortzea.
Aurreko egunetan, lehendakariordea LAB, CCOO eta UGT sindikatuekin ere bildu da, eta horiek langileek egin dezaketen presioa azpimarratu dute, lan-baldintzetan hobekuntzak lortzeko modu bakarra baita.
Garbiñe Aranburu LABeko koordinatzaile nagusiak eta Oihana Lopetegi ekintza sindikal eta negoziazio kolektiboko arduradunak bilera aprobetxatu zuten Torresi helarazteko "lan eta bizi baldintza duinen aldeko apustua". Horretarako, enpleguaren kalitatea hobetzeko, soldatak duintzeko, 1.600 euroko gutxieneko soldata ezartzeko eta lanaldia murrizteko eskatu zuen.
Loli Garcia CCOOko idazkari nagusiak Torresi adierazi zion bere sindikatuak "mobilizazio-negoziazio binomioa" erabiltzen jarraituko duela, "langile klasearentzat onura ugari ekarri baititu".
UGTren izenean, Raul Arza idazkari nagusiak Lan Ikuskaritza indartzeko eskatu zion Eusko Jaurlaritzari, lanpostu hutsak betez, "enpleguaren kalitatea edo ordutegiak bete daitezen kontrol eraginkorra" egin ahal izateko, eta elkarrizketa soziala defendatu zuen.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.