Albaresek berretsi du Gonzalezen irteeran ez dela egon negoziaziorik ezta ordainik Venezuelarekin
Jose Manuel Albares Espainiako Gobernuko Atzerri, Europar Batasuna eta Lankidetza ministroak azpimarratu duenez, ez da izan Edmundo Gonzalez oposizioburua herrialdetik irteteko negoziazio politikorik Venezuelarekin, eta ez da "ordainik" izango.
"Hartu-eman bakarrak operatiboak izan dira", zehaztu du. Hau da, Gonzalez zeraman ibilgailuaren eta hegazkinaren segurtasuna bermatzeko elkarrizketak izan zituzten bi gobernuek, baina hortik aurrera, besterik ez.
Kontrakoa adierazi du Delcy Rodriguez Venezuelako presidenteordeak. Horren esanetan, "luze eta zabal hitz egin" dute Sanchezen gobernuarekin.
"Ordainetan" zerbait egongo dela ere ukatu du Albaresek Onda Cero irrati katean eta Telecinco telebista katean egindako elkarrizketa banatan. "Ez didate halakorik eskatu, baina eskatzekotan, ez nuke inoiz onartuko", argitu du.
"Espainiaren jarrera bera da Edmundo Gonzalez Caracasen edo Madrilen egonda. Ez dugu Nicolas Maduroren ustezko garaipena onartuko harik eta aktak kaleratu arte. Guretzat marra gorria da, eta hori da, hain justu, asiloa emateko izan dugun ardatzetako bat. Gonzalezen eskubide politikoak eta osotasun fisikoa babestu nahi izan dugu", azpimarratu du.
Albaresek argitu duenez, Gonzalezek berak eskatu zien Venezuelatik ateratzen laguntzeko. Espainiak "enbaxadorearen etxean nahi beste jarraitzeko aukera" eman zion arren —Leopoldo Lopez oposizioburu ohiak ere aukera hori baliatu zuen duela urte batzuk—, azkenean herrialdetik ateratzea nahiago izan zuen Gonzalezek.
Atzerri ministroaren arabera, "arrazoi humanitarioak eta politikoak" izan dituzte kontuan Gonzalezi asiloa emateko. Lehenengoen artean aipatu du Gonzalezek 75 urte dituela, eta haren kontrako atxilotze agindua zegoela. Bigarrenak hizpide hartuta, adierazi du "Venezuelan demokrazia zabaldu eta uztailaren 28ko hauteskundeen emaitza errespetatu" behar dela.
Albaresek nabarmendu du Espainiak Gonzalezen adierazpen eta manifestatzeko askatasuna bermatuko duela. Venezuelako beste oposizioko kideek ere "ateak zabalik" dituztela erantsi du, ondoren.
Jose Luis Rodriguez Zapatero Espainiako presidente ohiak auzian izan duen garrantziaz galdetuta, Albaresek ez du haren parte hartzea baieztatu nahi izan. "Zapaterok urteak daramatza Venezuelan atxilotutako politikariak askatzeko bidean paper garrantzitsua jokatzen", adierazi du.
Zure interesekoa izan daiteke
Pradales: "Europak ez badu meneko izan nahi, bere erabakiak hartu behar ditu"
Imanol Pradales lehendakariak adierazi duenez, Europak "ez badu beste lider batzuen interesen mendeko izan nahi, bere erabakiak hartu behar ditu eta aktore globala izan behar du".
Gasteizko aurrekontuen onarpenean hauteskunde interesen arabera jokatzea egotzi diote elkarri EAJk eta EH Bilduk
Gasteizko aurrekontuen onarpena ika-mika iturri izaten ari da EAJren eta EH Bilduren artean. Batak besteari leporatzen diote hauteskunde interesak bultzatuta jokatu izana. Jone Berriozabal Arabako jeltzaleen buruaren arabera, EH Bilduk "argazki bat nahi zuen". Pello Otxandiano EH Bilduko ordezkariaren hitzetan, berriz, EAJk "hautu politikoa" egina du, koalizioarekin akordiorik ez ixteko.
Pradales lehendakariaren jardunaldi bizia Davosko Foroan
Gaur, Imanol Pradales lehendakariak, besteak beste, Bill Gates, Jens Stoltenberg, Paschal Donohoe eta Justin Trudeaurekin hitz egiteko aukera izan du. "Garrantzitsua zen Euskadi erakusleiho honetan egotea, harremanak egitea, epe luzera biltzeko orain ereitea", azpimarratu du lehendakariak.
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.
Zupiria: "Prozesu judizialak atzeratu egiten dira, eta, bitartean, delituak egiten dituztenenek arau-hausteak egiten jarraitzen dute"
Bingen Zupiria Segurtasun sailburuaren iritziz, "Poliziak eta Justiziak azkar erantzungo balute, modu eraginkorragoan helduko liokete arazoari, eta horrek eragiten duen segurtasun-gabezia sentsazioari". "Horregatik da garrantzitsua Espainiako Gobernuak aintzat hartzea Eusko Jaurlaritzak eta eremu judizialak planteatzen dituzten eskaerak, kasu horiei aurre egin behar dieten epaileen kopurua handitzeko, eta lege-aldaketak egitea, beldur handiena sortzen duten delituei dagozkien zigorrak gogortzeko", nabarmendu du.
Pradales: “Etorkizuna irabazteko Davoseko foroan egon beharra daukagu”
Mundua blokeka banarazi nahi duten horien aurrean, "Europara eta Euskadira demokrazia eta askatasunak ekarri zituen gizarte eradua defendatzeko" asmoz hartuko du parte lehendakariak Suitzan egiten ari diren foro ekonomikoan.
KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Accionaren presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogorarazi du Batzordearen presidenteak.