Gogora Institutuko izendapenen harira informazio okerra zabaltzea egotzi diote EAJk eta EH Bilduk elkarri
Eusko Legebiltzarrak Gogora Institutuaren Zuzendaritzako kide berriak izendatu zituenetik ia astebete igaro bada ere, alderdien arteko ika-mikak bere horretan jarraitzen du. Gaur hori berriro agerian gelditu da, EAJk eta EH Bilduk informazio okerra zabaltzea egotzi baitiote elkarri.
Euskadi Irratiko Faktoria saioan egin dioten elkarrizketan, Joseba Diez Antxustegi EAJren Eusko Legebiltzarreko bozeramaileak "gezurra" esatea leporatu dio EH Bilduri Gogora Institutuaren Zuzendaritzako kideen izendapenaren harira. Berehala erantzun dio EH Bilduk, Oihana Etxebarrieta legebiltzarkidearen bitartez, eta informazioaren erabilera "gaiztoa" egitea aurpegiratu dio.
"Egia esan behar da eta beste egunean EH Bilduk ez zuen egia esan, gezurra esan zuen", adierazi du Diez Antxustegik. Legebiltzarrak Gogoraren Zuzendaritza Kontseiluko bost aditu independente izendatzeko eskumena du, eta, legebiltzarkide jeltzaleak azaldu duenez, EAJk eta PSE-EEk bina kide eta EH Bilduk bakarra izatea proposatu zioten koalizio subiranistari. Orduan, Oihana Etxebarrieta EH Bilduren talde parlamentarioaren koordinatzailearekin hitz eginda, EH Bilduri aukera eman omen zioten koalizio subiranistak proposatutako bi hautagaietako baten alde egiteko, baina "esan zidan ez zutela erabakiko, guk erabaki behar genuela".
Gauzak horrela, EAJk eta PSE-EEk Paco Etxeberriaren aldeko botoa eman zuten, eta Pilar Garaialde Triple A eskuin muturreko taldeak hildako taxista baten alaba kanpoan utzi. "Gure erabakia izan zen Paco Etxeberriari botoa ematea arrazoi sinple batengatik: orain arte Paco Etxeberria zegoelako kontseiluan eta ulertzen genuelako orain arte zeuden beste bi kideek jarraitzen bazuten Pacori ere aukera eman behar geniola jarraitzeko", esan du Diez Antxustegik.
EITB Mediak EH Bilduren erreakzioa jaso du. Oihana Etxebarrieta EH Bilduko legebiltzarkidearen esanetan, "onargaitza" da Diez Antxustegik esandakoa. Horrez gain, informazioaren erabilera "gaiztoa" egitea eta Legebiltzarreko gehiengoak "mespretxatzea" egotzi dio EAJri. Dena den, fokoa "garrantzitsua" den horretan jarri nahi izan du Etxebarrietak: "Estatu terrorismoaren biktimak ordezkaritzarik gabe gelditu dira Gogoran, EAJk eta PSE-EEk horrela nahi izan dutelako".
Pasa den asteazkenean, Eusko Legebiltzarreko Justizia eta Giza Eskubide Batzordeak Gogora Institutuaren Zuzendaritza Kontseilua osatuko duten bost pertsona aukeratu zituen. Sei hautagai zeuden (EAJk, EH Bilduk eta PSE-EEk bina aurkeztu zituzten), eta kanpo geratu zena Pilar Garaialde Triple A eskuin muturreko taldeak hildako taxista baten alaba izan zen. Hori dela eta, Memoria Institutuko Zuzendaritzan Estatuko biktimak "diskriminatzea" egotzi die EH Bilduk EAJri eta PSE-EEri.
Albiste gehiago politika
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.