Estatus berriak Euskadi nazio gisa ez aitortzea "etsigarria" litzateke, Ortuzarren arabera
Andoni Ortuzar EAJren EBBko presidentearen iritzian, estatus politiko berriak nazio gisa aitortu beharko luke Euskadi, eta hori lortzeko jeltzaleek "argudio politiko, historiko eta demokratikoak" emango dituztela erantsi du. Aitortza hori ez jasotzea "etsigarria" litzatekeela gaineratu du.
Radio Euskadiko "Boulevard" saioari eskainitako elkarrizketa batean azaldu duenez, EAJk Gernikako Estatutuaren "erreforma administratibo soila" baino harago jo nahi du, eta "autogobernuaren alorrean jauzi kualitatiboa eman". Ortuzarrek beharrezko ikusten du agiri berri horrek 1979ko Estatutuan "konpondu ezin izan ziren gai kritiko eta goriak" jasotzea, tartean "nazio aitortza eta baita eskubide politiko jakin batzuk ere". "Orain hori lortzeko une aproposean gaude", argudiatu du; izan ere, "Euskadin erabakigarriak diren aktore politikoak" eta Madrilen "Pedro Sanchezen gobernua sustengatzen" dutenak "berberak" dira.
Akordioa lortzeko dauden "zailtasun tekniko eta politikoen jakitun" bada ere, EAEko indar politikoekin bilera sorta egiteko hartu-emanak hasi dituela iragarri du, eta bilera "diskretuak" izan direla zehaztu du. Ortuzarren hitzetan, estatus berriaren metodologia eta egutegia, biak, dira adostekoak, baina denbora mugatua dela ohartarazi du: "Leiho bat dugu zabalik, baina ez da infinitua". Horren harira, gogora ekarri du PSOErekin izenpetutako inbestidura akordioak urtebete eta erdiko epea —2025eko Gabonetara arte, gutxi gorabehera— ezartzen zuela etorkizuneko autogobernua adosteko.
EAJren zuzendaritza berritzeko barne prozesuaz eta EBB zuzentzen jarraituko duen galdetuta, erantzun du berak "aspaldi" hartu zuela erabakia, baina nabarmendu du ez duela publiko egingo EAJren oinarrien erabakia "ez baldintzatzeko". "Oinarriek hitz egin behar dute, askatasun osoz", erantsi du.
Halaber, aitortu du Iñigo Ansola Energiaren Euskal Erakundearen zuzendari ohiaren izena —"alderdikide bikaina", horren aburuz— "mahai gainean" dagoela BBB zuzentzeko, baina "beste hainbat izen" ere badaudela gaineratu du.
Azkenik, jeltzaleen barne prozesua "oztopatzeko komunikabide batzuek dituzten tentazio eta nahiak" salatu ditu. Horren aurrean, "defentsa tinkoa" egingo duela iragarri du. "Nire lana da jendea, gure oinarriak, gure batzokiak babestea, askatasunez erabaki dezaten", erantsi du.
Albiste gehiago politika
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.
Espainiako Fiskaltzak Israelek Gazan egindako "krimenak" ikertuko ditu
Alvaro Garcia Ortiz Espainiako fiskal nagusiak Zigor Kodearen "urraketa larriak" aipatzen ditu, genozidioa eta gizateriaren aurkako delituak tartean.
Pradales: "Europak autonomia politikoa irabazi eta lidergo etikoa ezarri behar du"
"Europako eredua definitzen duten balioak defendatzearen" alde egin du lehendakariak Politika Orokorreko Osoko Bilkuran. "Orain da momentua. Amaitu da guztiak pozten saiatzeko denbora ", gaineratu du.
Gazako "genozidioa" salatzeko minutu bateko isilunearekin abiatu dute Politika Orokorreko Osoko Bilkura
Ikasturte politiko berriaren Politika Orokorreko lehen Osoko Bilkura egiten ari dira gaur Eusko Legebiltzarrean. Eguna Imanol Pradales lehendakariak abiatu du, "Gazako genozidioa" gaitzestuz. "Nazkatuta gaude [....]. Indarkeria horrek atsekabea, amorrua eta ezintasuna eragiten ditu ", salatu du.
Politika Orokorreko Osoko Bilkura, greba orokorra Ipar Euskal Herrian eta Frantzian eta Jose Luis Rebordinosi elkarrizketa
Gaurkoan Orain-en albiste izango direnen laburpena, bi hitzetan.
EAJren ustez, Euskadirentzat "oso onuragarria" da langabezia-prestazioren kudeaketa lortu izana
Maribel Vaquero diputatuaren hitzetan "oraindik bilerak falta dira" eskualdatzea gauzatzeko eta, "adostutakoa beteko" dela ziurtatzeko, "jarraipena egingo" diotela jakinarazi du.
Arabak "probintziako aita" titulua kenduko die Francori eta Molari
Ramiro Gonzalez Arabako ahaldun nagusiak egin du iragarpena, asteazken honetan diktadura frankistak Araban errepresaliatutako pertsonak oroitzeko egin duen lore-eskaintzan. Ekitaldi hori Foru Aldundiak eta lurraldeko Batzar Nagusiek antolatzen dute urtero, eta kargu publikoak eta senideak izan dira bertan.
Greba eta mobilizazio eguna, ostegunean, Ipar Euskal Herrian
Frantzia osoan egingo dira protestak Gobernuak ezarri nahi dituen murrizketen aurka. Sindikatuek Lecornu lehen ministro berria prestatzen ari den 2026ko aurrekontuetan eragin nahi dute. Baionan 10:30ean irtengo da manifestazio nagusia Santa Ursula plazatik.
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.