Ertzaintzak Bilboko eta Pasaiako portuetan jardungo du gaurtik aurrera, funtzio berriekin
Ertzaintzak bere egin ditu Bilboko Portuan (Santurtzi, Bizkaia) zein Pasaiakoan (Gipuzkoa) izango dituen eginkizun berriak, eta hala, segurtasun alorrean, jardunean hasi da gaur, Gernikako Estatutuak jasotzen duenari men eginda.
Ertzaintzaren eskumenak zabaldu berritan, agenteek EAEko lurralde osoan dituzten funtzioak berberak izango dituzte aurrerantzean portuetako azpiegitura kritikoetan ere. Hala nola, herritarren babesa, bide segurtasuna, eta itsas eta aire espazioaren kontrola. Guardia Zibilaren eta Espainiako Poliziaren esku jarraituko dute segurtasunarekin lotutako jarduera nagusiek: mugen zaintzak, narkotrafikoaren aurkako borrokak eta aduanak.
Bilboko Portuan paratu duten Herritarren Arretarako Bulegoan irudikatu dute zeregin berrien hasiera, protokolozko ekitaldi batean. Ekitaldian izan dira Imanol Pradales lehendakaria, Bingen Zupiria Segurtasun sailburua, Victoria Landa Ertzaintzaren zuzendaria eta Ricardo Barkala eta Joakin Telleria Bilboko eta Pasaiako Portu Agintaritzetako presidenteak, beste agintari batzuekin batera.
Lehendakariaren ustez, "gaur aurrerapauso bat ematen ari gara" euskal autogobernuaren garapenean, eta azpimarratu duenez, "ez da azkena izango." Izan ere, Euskadik XXI. mendean "esparru berri bat" behar duela aldarrikatu du. Ertzainei ere zuzendu zaie eta "harro" dagoela nabarmendu du. "Badakigu ez duzuela huts egingo. Badakigu behar zaituztegunean beti hor izango zaituztegula", nabarmendu du.
Azpiegitura eta baliabide gehiago
Gaurtik aurrera, Ertzaintzak Herritarren Arretarako Bulegoa du Bilboko Portuan, baita ontzientzat atrakalekuak ere. Oraingoz, 20 dira lanean dauden agenteak (Muskizko ertzain-etxekoak denak ere), baina hilabete barru, 30 izango dira. Gainera, Zaintza eta Erreskate Unitateko agenteak izango dituzte lagun (unitate horretan 11 agente gehiago bilduko dira etorkizunean).
Pasaiako Portuko Herritarren Arretarako Bulegoa portuko Kontsignatarioak izeneko eraikinean egongo da. Sei ertzain (Errenteriako komisariakoak) izango dira jardunean; halako bi (12), martxoan. Horiek ere Zaintza eta Erreskate Unitatearen laguntza izango dute.
Portuan ez ezik, EAEko aireportuetan ere eginkizun berriak izango ditu Ertzaintzak, uztailean, EAEko Segurtasun Batzordearen azken bileran, Jaurlaritzak eta Espainiako Gobernuak adostu zutenez.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".