Ertzaintzaren jarduera aireportu eta portuetako zerbitzu-eremuetara hedatuko da
Bingen Zupiria Segurtasuneko sailburuak eta Fernando Grande-Marlaska Barne ministroak Ertzaintzaren polizia-lanak aireportu eta portuetako zerbitzu-eremura hedatzea adostu dute. Gainera, Ertzaintzak bere gain hartuko du Bilboko Portuko, portuko bertako eta bertako eremu mugatuko, azpiegitura kritikoetan laguntza operatiboa emateko planen polizia-erantzukizuna.
Zupiriak aurreratu duenez, berehalako neurria bada ere, denbora beharko da guztia koordinatzeko, eta Marlaska ministroak argitu du neurri horrek ez diela eragiten Polizia Nazionalaren eta Guardia Zibilaren funtzio "esklusiboei", eta agente kopurua, hortaz, ez dela murrizten.
Hala erabaki dute Jaurlaritzak eta Espainiako Gobernuak asteazken honetan Madrilen egin duten Euskal Autonomia Erkidegoko Segurtasun Batzordearen bileran. Horixe da, hain justu, bi administrazioen arteko segurtasun-gaietako aldebiko koordinazio-organo gorenena. Aipatzekoa da gaur goizeko hitzordua segurtasuneko bi arduradunen arteko lehen bilera izan dela, Zupiria Segurtasuneko sailburu izendatu zutenetik.
Bileraren ostean emandako prentsaurrekoan, Zupiriak nabarmendu du akordio horren bidez "Gernikako Estatutuaren garapenean sakontzen" jarraitzen dutela, "Ertzaintza indartzen jarraitzen" dutela, eta, "arautze-giroan eta erakundeen arteko lankidetza-giroan egiten" ari direla: "giro horretan euskal gizarteak 1979an berretsi zituen akordio horiek betetzea da gure asmoa", esan du, eta gaineratu du "normaltasun giroan" ari dira lanean.
Marlaskak, bere aldetik, argitu du, Guardia Zibilaren eta Polizia Nazionalaren eskumenak bere horretan jarraituko dutela, baina akordioarekin gehiago zehazten direla euren egitekoak. Gauzak horrela, agente kopurua ez dela murriztuko adierazi du.
Hortaz, aurrerantzean Ertzaintzaren polizia-lanak aireportu eta portuetako zerbitzu-eremura ere hedatuko dira eta zeregin horiek behar bezala koordinatzeko, Segurtasun Batzordeak erabaki du Ertzaintzako eta Guardia Zibileko unitateen artean koordinazio operatiborako eta informazioa trukatzeko guneak ezartzea.
Genero-indarkeriari aurre egiteko lankidetza
Asteazken honetan bi segurtasun arduradunek adostutako neurrietako bat izan da hori, portu eta aireportuena, baina ez bakarra; izan ere, Segurtasun Batzordean genero-indarkeriaren aurkako borrokaren esparruko elkarlana indartu da.
Hala, hiru hilabeteko epean, Barne Ministerioaren VIOGEN-2 eta Eusko Jaurlaritzaren EBA (Emakumeen eta Etxekoen Babesa) sistemen arteko elkarlana gauzatuko da, genero-indarkeriaren aurkako prebentzio-neurriak eta babes-neurri integralak hartzean erabateko koordinazioa lortzeko.
Bien bitartean, Eusko Jaurlaritza Lurralde Politikako eta Memoria Demokratikoko ministro Angel Víctor Torresekin bilduko da uztailaren 30ean, Aldebiko Batzorde Iraunkorra "ahalik eta lasterren" martxan jartzeko, Gernikako Estatututik transferitzeke dauden gai guztien eskualdaketa bultzatzeko.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.