Sanchezek agindu du ez duela "zentimo bat ere" murriztuko gizarte politiketan, gastu militarrera bideratzeko
Pedro Sanchez Espainiako Gobernuko presidenteak gastu militarrean BPGren % 2ra iristeko epeak zehaztea saihestu du, eta NATOren ekaineko goi-bilerara itxarotea eskatu du. Bestalde, gastu militarraren igoera horrek gizarte politiketan "euro zentimo bat ere" murriztuko ez duela agindu du agintariak.
Moncloan egindako agerraldian, egunean zehar Alberto Nuñez Feijoo oposizioko buruarekin eta gainerako talde parlamentarioetako bozeramaileekin, Vox kenduta, bildu ostean, Sanchezek berretsi du gastu militarra handitzeko Gobernuaren konpromisoa "irmoa" dela, baina nola eta noiz egingo duen argitzea saihestu du.
Baztertu egin du gaia Kongresuan eztabaidatzea
Hala, gastuaren igoera hori Diputatuen Kongresuan bozkatu behar ote den galdetu diotenean, Sanchezek esan du: "Parlamentutik pasatu behar diren gauza guztiak Parlamentutik pasatuko dira. Eta Espainiako Gobernuaren kudeaketarekin zerikusi handiagoa duten beste gauza batzuk, Espainiako Gobernuak bizkortu eta kudeatu beharko ditu. Gai honetan ez dago eztabaida gehiagorik", adierazi du.
Sanchezek modu horretan erantzun du, Nestor Rego BNGko bozeramaileak gaurko bileran Sanchezek defentsan gastua handitzea "ziurrenik" Behe Ganberatik igaro behar ez izatea onartu ostean.
Hala, NATOk ekainean Hagan egingo duen goi-bileran, "% 2 horren betetze-maila zein izango den zehaztuko da", adierazi du.
"Diplomaziaren" aldeko apustua egin du EH Bilduk
Bestalde, nazioarteko testuinguru berriari aurre egiteko "diplomaziaren" aldeko apustua helarazi dio EH Bilduk Espainiako Gobernuko presidenteari.
Sanchezekin izandako batzarraren ostean, Mertxe Aizpurua Kongresuko bozeramailearen eta Espainiako gobernuburuaren arteko bilera "giro eraikitzailean, adeitsuan eta errespetuz" egin dutela jakinarazi du koalizioak.
Koalizioak "diplomazia, negoziazioa eta akordioa" aldarrikatu ditu, testuinguru geopolitiko honetan bakea bermatzeko "formularik onena" delako, eta horregatik, EH Bilduk lanean jarraituko du "euskal gizartearen eskubideak, askatasunak eta ongizatea bermatzeko baldintzarik onenak bilatu eta ziurtatzeko".
EAJk uste du gastu militarra handitzearekin batera industrian inbertitu behar dela
Aitor Esteban EAJk Kongresuan duen bozeramailea, aldiz, gastu militarra handitzearen alde agertu da, baina uste du horrekin batera industrian inbertitu beharko litzatekeela. Sanchezen Gobernuaren eta EBren egitasmoa "gehiago definitu" behar dela onartu arren, gai horrek Kongresuan eztabaida bat behar duela uste du Estebanek.
Espainiako gobernuburuarekin bildu ostean Moncloan emandako prentsaurrekoan, Estebanek argi utzi du bere alderdiak bat egiten duela Europak "babesgabetasunari" eta nazioarteko "paradigma berriari" aurre egin behar dionaren ideiarekin, Donald Trump Etxe Zurira itzuli ondoren, arlo geoestrategikoan egiten ari den norabide aldaketekin.
"EBk garrantzitsua izan eta jarrera autonomoa izan nahi badu, Amerkietako Estatu Batuak alde batera utzita birkokatu eta indartu behar du bere burua", azpimarratu du, baina ez du uste hori "bat-batean" egin behar denik, eta "aspaldi egin behar zela" erantsi du.
Zure interesekoa izan daiteke
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularreko presidentearen iritziz, "orain arte ikusi gabekoa da" Espainiako une honetako egoera politikoa. Bere ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
EH Bilduk ere babestuko du Gipuzkoan zerga turistikoa ezartzea
EAJk eta PSEk EAEko hiru lurraldeetarako Elkarrekin Podemosekin lortutako akordioarekin haren onarpena bermatuta zegoen.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.
Imanol Pradalesek azalpen “azkar eta gardenak” eskatu dizkio Zapaterori, eta EH Bilduk zuhurtzia eskatu du, Plus Ultra auziaren aurrean
Lehendakariak azalpenak eskatu dizkio Jose Luis Rodrigez Zapatero Espainiako presidente ohiari, Plus Ultra auzian inputatu ondoren, eta errugabetasun-presuntzioa errespetatzeko beharra azpimarratu du. Bestalde, EH Bilduk, Nerea Kortajarenaren bidez, zuhurtzia eskatu du eta ohartarazi du horrelako auziek “zurrunbilo” politiko eta mediatikoak sor ditzaketela.
Nor da nor Plus Ultra auzian?
Auzitegi Nazionalak Jose Luis Rodriguez Zapatero Espainiako Gobernuko presidente ohia egitura antolatu baten "buruan" kokatu du. Haren helburua, epailearen arabera, bertako eta nazioarteko erakundeetan eragitea eta hirugarrenen zein sarearen beraren aldeko etekin ekonomikoak lortzea zen.
Pradalesek eta Clavijok Europako migrazio-itunean "zer esana" izatea eskatu dute
Lehendakariak eta Kanarietako presidenteak Espainiako Gobernuari idazki bat bidaltzea erabaki dute, ekainaren 12an indarrean sartuko den Migrazio eta Asilorako Europako Itunaren jarraipen-, finantzaketa- eta ebaluazio-mekanismoetan parte hartzea eskatzeko.
Kortajarenak kritikatu du orain hiru urte EH Bilduk Munduko Futbol Txapelketaren inguruko zalantzak agertu zituenean proiektua "munduko onena" zela
Jose Luis Rodriguez Zapateroren inputazioaren aurrean zuhurtziaz aritzea hobe dela nabarmendu du, behin eta berriz, Nerea Kortajarena EH Bilduko legebiltzarkideak Euskadi Irratian egin dioten elkarrizketan.
Albiste izango dira: Pradalesen eta Clavijoren arteko batzarra Gasteizen, Zapateroren inputazioa eta Vladimir Putin eta Xi Jinping bilduko dira, Pekinen
Gaurkoan Orain-en albiste izango direnen laburpena, bi hitzetan.
Pradalesek eta Clavijok migrazioaren erronkari eman beharreko erantzun bateratuak aztertuko dituzte Gasteizen
Imanol Pradales lehendakaria eta Fernando Clavijo Kanarietako presidentea Gasteizen bilduko dira gaur: Eusko Jaurlaritzak eta Kanarietako Gobernuak migrazioan, berrikuntzan eta gizarte-politiketan duten lankidetza izango dute hizpide.