Kongresuak alkoholemia-tasa jaisteko ekimena izapidetuko du, eta PPk zer bozkatuko duen ez dago argi
Kongresuak sozialisten proposamena izapidetuko du baimendutako alkoholemia-tasaren gehienezko muga odol litroko 0,5 gramotik 0,2ra jaisteko (0,1 miligramo aire litroko). PPk zer bozkatuko duen ez dago argi.
EAJk, Juntsek, ERCk eta Sumarrek ekimenaren tramitazioa babestuko dute, iragarri dute baina zuzenketak aurkeztuko dituztela.
Gaur Kongresuko Osoko Bilkuran PSOEren lege-proposamena aintzat hartzeko egindako eztabaidan, talde politiko guztiek iragarri dute aldeko botoa emango dute, Voxek izan ezik; PPk, berriz, ez du zehaztu babesa emango dion.
PSOEko Manuel Arribasek defendatu du ekimena, eta gogorarazi du beste estatu batzuek ere, hala nola Suediak eta Norvegiak, litroko 0,2 gramoko tasak dituztela. Nazioarteko hainbat erakundek indize horren alde egiten dute.
Espainiako Toxikologiako Institutuaren txostenak ere aipatu ditu sozialistak. Horien arabera, istripuetan hildako gidarien % 33k alkoholemia azterketan emaitza positiboak zituzten, baita harrapatutako oinezkoen % 29k ere.
Era berean, gogorarazi du proposamenak jasoko duela alkohola eta droga kontrolak non dauden sare sozialetan argitaratu eta zabaltzeko debekua ere.
Bien bitartean, Bella Verano PPren diputatuak esan du proposamena "Gobernuaren eta PSOEren beste ke-laino bat" dela, "oso efektista eta ez oso eraginkorra", eta ziurtatu du horrekin "zarata egin nahi dutela, DGTn gauzak gaizki egiten ari direla estaltzeko".
Vox eskuin muturreko alderdiko Francisco Jose Alcaraz diputatuak ekimena gaitzetsi du, besteak beste, "bizitzak salbatzea eta sozialismoa bateraezinak direlako". "Heriotzaren Gobernua zarete", erantsi du Voxen diputatuak.
Zure interesekoa izan daiteke
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.