Justizia euskalduntzen jarraitzeko urratsak ematea eskatu du Eusko Legebiltzarrak
Justizia euskalduntzeko urratsak ematen jarraitzea eskatu dio gaur Gasteizko Ganberak Eusko Jaurlaritzari, hizkuntza normalkuntzarako plan estrategikoa aintzat hartuta. Halaber, onartutako testuan jasota geratu da Jaurlaritzak eta Botere Judizialaren Kontseilu Nagusiak elkarlana sustatu dezatela, alor horretako langileak euskalduntzeko. Azken datuen arabera, epaileen soilik % 6 dira epaiketa osoan euskara erabiltzeko gai.
EH Bilduren ekimen bati EAJk eta PSE-EEk aurkeztutako osoko zuzenketa batean daude jasota eskariok. Koalizio abertzalearen mozioa atzera bota dute, eta jeltzaleen eta sozialisten zuzenketak egin du aurrera. Azken horiek gogorarazi dute ez dela Jaurlaritzaren eskumena epaileak euskalduntzea.
Hori horrela, onartutakoarekin kritiko agertu da Eraitz Saez de Eguilaz EH Bilduren legebiltzarkidea, eta epaileek euskara ikasteko "bitarteko gehiago" eta "programa propioa" abian jartzea eskatu du. Salatu duenez, "Botere Judizialaren Kontseilu Nagusiaren hitzartutako hitzarmen batek nekez izango du gaitasuna euskaldunok ditugun beharrei erantzuteko". Ausardia eskatu du, bere hitzetan, beti Espainiako Gobernuak egingo duenaren menpe egon gabe.
Josune Escota EAJren legebiltzarkideak, berriz, azaldu du gaur egun bederatzi epaile ari direla euskara ikasten, baina epaiketak osorik euskaraz egin ahal izateko alde guztiak hala egiteko prest egotea ezinbestekoa dela.
Zure interesekoa izan daiteke
Fiskaltzak artxibatu egin du EH Bilduk Guardiako EAJko alkatearen aurka jarritako salaketa
"Presio-estrategia politiko" kanpaina bat egitea leporatu dio alkateak koalizioari.
Bengoetxea, EHUko errektorea: "Ikasle-mugimenduari eskatu diogu ez erortzeko probokazioetan"
Joxerramon Bengoetxea EHUko errektoreak zentzuz jokatzeko eta probokazioetan ez erortzeko deia egin du. Ikasle-antolakundeekin harremanetan jarri dela adierazi du, eta Voxen jokoari ez jarraitzeko eskatu die, baina, horren ustez, "libre dira nola jokatu nahi duten erabakitzeko".
Santurtziko Udalak Fiskaltzari helarazi dio Udaltzaingoaren azterketen ustezko filtrazioaren kasua
Segurtasun arloko zinegotzi ohi Sonia Lopezen mezu elektronikoak aztertu ondoren, gertakariak Bizkaiko Fiskaltzaren aurrean aurkezteko izapideak hasteko erabakia hartu du gobernu-taldeak.
Aitor Esteban estatus berriaren itunaz: "Duela pare bat aste itxaropentsu nengoen, orain zalantzak ditut"
"Egun on" saioan Aitor Esteban EAJren EBBko presidenteak esan duenez, "duela pare bat aste itxaropentsu" zegoen estatus berria adosteko aukeraren aurrean, EAJ, EH Bildu eta PSE-EEren arteko hiruko elkarrizketak ikusita, baina "orain zalantzak" ditu. "Ateak irekita daudela dirudienean, ustekaberen bat gertatzen da", adierazi du.
ETAko preso batzuek jasotako espetxe baimen eta gradu aldaketaren inguruko eztabaida izan da gaur Legebiltzarrean
ETAko presoei mesede-tratua ematea leporatu diete Javier De Andres Euskadiko PPko buruak eta Amaia Martinez Voxeko legebiltzarkideak Imanol Pradales lehendakariari eta Maria Jesus San Jose Justizia sailburuari.
Gazteria Legea aldatzeko proposamena erregistratu dute EAJk eta PSE-EEk, adin txikikoen udalekuak zorrotzago kontrolatzeko
Presazko prozeduraren bitartez erregistratu dute, eta bi hilabeteko epean aldaketak indarrean egotea aurreikusten du Nerea Melgosa Ongizate, Gazteria eta Erronka Demografikoko sailburuak.
Zupiriak “zentzuz” jokatzeko eskatu du, Voxek Gasteizen deitutako ekitaldiaren aurrean
Eusko Jaurlaritzaren esanetan, “alderdi autoritario baten ekitaldia” izango da, “15 lagunek deituta”.
Aldakako ebakuntza egingo diote berriro Aburtori, martxoaren 9an
Hilabete eta erdi inguru beharko du osatzeko, eta Amaia Arregi egungo alkateordeak beteko ditu alkate lanak aldi horretan.
Jon Enparantza eta Arantza Zulueta Martuteneko espetxean sartu dira
Otsailaren 3an espetxeratzeko agindua eman zuen Auzitegi Nazionalak 2022an ezarritako zigorra bete ahal izateko eta euren kabuz joan dira espetxera.
Iraungitako txertoen kasuari lotutako batzorde independente bat eratzeko eta erantzukizunak eskatzeko proposamenak atzera bota dituzte EAJk eta PSEk
Jeltzaleek eta sozialistek iragarritako neurriak arintzeko eskatu diote Osasun Sailari, "akatsen arriskua gutxitzeko".