Atzerritarren Araudi berria indarrean sartu da gaur, milaka pertsona migratzaile erregularizatzea helburu
Atzerritarren Araudi berria indarrean sartu da gaur, asteartearekin. Testua iazko azaroan onartu zuen Espainiako Gobernuaren ministroen kontseiluak, eta Estatuko Aldizkari Ofizialean argitaratu eta sei hilabetera sartu da indarrean.
Erreforma horren bitartez, "prozedurak sinpletu, bikoizketak desagerrarazi eta berme juridiko gehiago emango" dira, betiere exekutiboaren arabera. Espainiako Gobernuak uste du urtero 300.000 pertsonaren egoera erregularizatuko dutela, hots, datozen hiru urteetan, ia milioi bat lagunena.
"Lan merkatuaren beharrei" erantzuteko asmoz, bisak arautzeko atal berezi bat izango du araudiak. Iraupen laburreko zein luzeko baimenak jasoko dituzte, izapideak errazagoak izateko eta baldintzak eta prozedurak argiago geratzeko. Bisen iraupena ere luzatuko dute: hasierako baimenak urtebetekoak izango dira, eta berritu behar izanez gero, lau urtekoak.
Lana bilatzeko bisa ere urtebetekoa izango da aurrerantzean —lehen, hiru hilabetekoa zen baimena—. Lanpostu eta lurralde jakinetan enplegua topatzeko 12 hilabete izango ditu atzerritik etorritako langileak. Hartara, Elma Saiz Inklusio, Gizarte Segurantza eta Migrazioen ministroaren hitzetan, "pertsona horiek euren profil profesionalera egokitutako lanpostua lortu ahalko dute, eta enpresek behar dituzten profesionalak eskura izango dituzte".
Horrez gain, Estatuan bizileku baimena lortzeko eta familia elkartzeko bost errotze-mota jasoko dituzte erreforman: soziala, soziolaborala, familiakoa, ikasketengatikoa eta 'bigarren aukerakoa'. Espainiako Estatuan egoteko baimena, aldiz, hiru urtetik bi urtera jaitsiko da. Dena dela, bete beharreko baldintzak malgutu dira, eta lehen unetik lan egiteko (inoren kontura edo norbere kontura) aukera izango dute migratzaileek.
Nazioarteko asilo eskaerei dagokienez, aurrerantzean ez dute kontuan hartuko asilo eskatzaileek Estatura heldu eta baimena lortu arteko tartea. Hori horrela, eskaera ukatuz gero, pertsona migratzaileek errotze eskaera egin beharko lukete, baina hasieratik abiatuta (Estatura heldu berriak balira bezala).
Hain justu, araudiaren arlo hori kritikatu dute pertsona migratzaileen defentsan ari diren elkarteek. Euren ustez, asilo eskubidea "kamustu" egin du legeak. Horren harira, bost gizarte erakundek, tartean Caritasek eta Errefuxiatuen Laguntzarako Batzordeak, araudiaren kontrako helegitea aurkeztu dute Auzitegi Gorenean.
Azkenik, ikasleentzat beste baimen bat izango da, formazioak irauten duen denbora tarte berekoa. Gainera, ikasketak bukatuta lanean hasi nahi izanez gero, beste baimen bat izango da horretarako. Ikasi eta lan egin, biak aldi berean egiterik izango da, baina gehienez astean 30 orduko kontratuekin.
Zure interesekoa izan daiteke
Lehendakariaren dekalogoa energia krisiaren kontrako neurrietan jaso izana baloratu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (arantzelarioa eta energetikoa) jasan duten industria-enpresentzako neurri espezifikoak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.