Jeltzaleen eta sozialisten arteko polemika, migrazioaren gaia dela eta
Imanol Pradales lehendakariak joan den ostegunean demografiari, talentuari eta immigrazioari buruzko foro batean egindako hausnarketak arrakala sortu du Eusko Jaurlaritzako bazkideen artean. "Gure gizarteak eta ekonomiak zer behar duten ikusi behar dugu", esan du Pradalesek, Europa mailako migrazio-politika estrukturalaren beharra planteatuz.
Joseba Diez Antxustegi EAJren bozeramaileak lehendakariaren hitzak defendatu ditu Radio Euskadiko El Parlamento de las Ondas saioan, baina Ekain Rico sozialistak ohartarazi dio diskurtso hori ez datorrela bat bi alderdien artean hitzartutakoarekin.
Ondoren, tentsioa areagotu da Marisol Garmendia Espainiako Gobernuak Euskadin duen ordezkariak migrazio moten arteko bereizketa gaitzetsi duenean. "Unibertsitate-tituludun migranteak behar dira, baina baita euskal herritarrek nahi ez dituzten lanak egingo dituzten kualifikazio txikiko pertsonak ere", azpimarratu du Garmendiak. Ordezkariak EAJren aurka egin du, Gasteizko errefuxiatuen zentroaren proiektua berriz aztertzeko egindako eskaeragatik, jeltzaleei PPk eta Voxek ordezkatzen duten eskuinaren "haitzulora" hurbiltzea leporatu die.
EAJren Euskadi Buru Batzarrak "onartezintzat" jo ditu Garmendiaren hitzak, eta Moncloaren mezu gisa jo. Ohar baten bidez, jeltzaleek ohartarazi dute: "Kontuan hartuko dugu", eta migrazio-ereduari buruzko eztabaida serio eta estruktural baten beharra defendatu dute, "jarrera populista eta demagogikotzat" jotzen dutenari aurre egiteko.
Estatu mailan, Sumarrek eta Podemosek ere kritikak egin dituzte. Bi alderdiek ultraeskuinaren hizkera erabiltzea eta migratzaileak merkantzia huts gisa tratatzea leporatu diote lehendakariari. Gainera, Sumarrek iragarri du Pradalesi zuzenduko zaiola Eusko Legebiltzarreko hurrengo kontrol saioan, migrazioaren inguruan duen jarrera argitu dezan.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.