Franco Fundazioak biktimak umiliatu eta gorrotoa bultzatzen duela ondorioztatu du Espainiako Gobernuak
Espainiako Gobernuak txosten bat egin du Francisco Franco Fundazioa desagertzea eskatzeko, memoria demokratikoaren legea aplikatuz; izan ere, txosten horretan frogatutzat jo duenez, erakunde horrek "frankismoaren apologia" egiten du, biktimak gutxiesten ditu eta gorrotoa bultzatzen du.
Francisco Franco Fundazioa desegitea eskatzeko prozesua duela urtebete hasi zuen Kultura Ministerioak, ministerio horren esku baitago fundazioak babestea.
Lehen izapideen ondoren, Lurralde Politikako eta Memoria Demokratikoko Ministerioak txosten bat egin behar zuen memoria demokratikoaren legea urratzeagatik Franco Fundazioa azkentzeko eskaera hori justifikatzeko.
Biktimen testigantzak jaso ditu Gobernuak txostenean
Txostena amaitu eta Kultura Ministeriora bidali berri dute, Gobernuko iturriek baieztatu dutenez. Zehaztasun gehiago eman gabe, frankismoaren biktimen eta haien senideen testigantzak biltzen dituen testu mardula eta osatua dela adierazi dute.
Hala ere, Gobernuak ERCri idatziz bidalitako erantzun parlamentario batean aurreratu ditu argudioen xehetasun batzuk. Bertan, Francisco Franco Fundazioaren jarduera eta helburuak interes orokorraren aurkakoak direla eta "frankismoaren apologia" egiten duela adierazi du.
Gainera, Gobernuaren iritziz, fundazio horrek gutxietsi eta umiliatu egiten ditu biktimak, eta haien aurkako gorrotoa edo indarkeria bultzatzen du, zuzenean edo zeharka.
Horregatik guztiagatik, Gobernuak babestu egiten du Francisco Franco Fundazioaren azkentzea judizialki eskatzeko beharra, eta, gainera, haren jarduera behin-behinean etetearen alde egiten du, epaia eman arte.
Justiziak izango du azken hitza
Kultura Ministerioaren ardura da orain Francisco Franco Fundazioa desegiteko eskaera epaitegietara bideratzea, baina aurretik Estatuko Abokatutza Nagusiaren beste txosten bat behar du.
Aurreikuspenen arabera, eskaera aurten bertan iritsiko da justiziara, Angel Victor Torres Lurralde Politikako eta Memoria Demokratikoko ministroak martxoan Kongresuan Gobernua kontrolatzeko saioan adierazi zuenez.
Epaileek izango dute azken hitza, baina Francisco Franco Fundazioak "auzitegietan borroka gogorra" iragarri zuen duela urtebete, eta Gobernuak erakunde horrekin amaitzeko duen asmoa Konstituzioaren aurkakoa dela esan zuen.
Aldi berean, PSOEk lege-erreforma bat aurkeztu zuen frankismoaren apologia egiten duten elkarteak desegiteko, Francisco Franco Fundazioari elkarte bihurtzeko aukera oztopatzeko.
Lege-erreforma hori erabat eraldatu du PPk Senatuan egindako zuzenketekin, baina espero da testua Kongresuko osoko bilkurara itzultzea eta han behin betiko onartzea, bere jatorrizko bertsioan.
Albiste gehiago politika
Semper: "EAJ jabetzen hasi da PSOEk botata utziko duela edozein unetan"
PPko bozeramailearen arabera, "Euskadin etorkizunerako aukera, aritmetikoa, PSE Bildurekin joatea da, EAJren aukera albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.