Auzitegi Konstituzionalaren ponentziak Amnistia Legea babestu du
Auzitegi Konstituzionalak Espainiako Gobernuari arrazoia eman eta Amnistia Legea legezkoa dela ebatziko du, hainbat hedabidek eta Europa Press albiste agentziak zabaldutako epaiaren zirriborroaren edo ponentziaren arabera. Datozen egunetan hasiko da Auzitegi Konstituzionala PPk Amnistia Legearen kontra aurkeztutako helegitea eztabaidatzen.
Inmaculada Montalban Auzitegi Konstituzionalaren presidenteordeak idatzitako ponentziak Amnistia Legearen zati handiena babestu du; PPk aurkeztutako helegitearen hiruzpalau puntu soilik onartzen ditu, denak ere garrantzia txikiagokoak.
Dena den, epaiaren zirriborroak ez du diru publikoa bidegabe erabiltzearen delituaz iritzirik ematen, PPren helegiteak ez baitu hori espresuki eskatzen. Auzitegi Gorenak erabaki zuen Carles Puigdemont Kataluniako presidente izandakoari Amnistia Legea ez aplikatzea diru publikoa bidegabe erabiltzearen delituagatik.
Astelehen honetan bertan banatuko zaie testua Auzitegi Konstituzionaleko magistratuei eta ekainaren 24ko bilkuran eztabaidatuko dute.
Urtebete igaro da Amnistia Legea onartu zenetik, eta Carles Puigdemont eta Kataluniako prozesuko buruzagi nagusiak kanpoan gelditu dira, Auzitegi Konstituzionalak zer ebatziko duen zain.
PPren helegitea da Auzitegi Konstituzionalak Amnistia Legeaz ebatziko duen lehendabizikoa, 30 bat gehiago ebatziko baititu.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.