Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Pedro Sanchez Espainiako presidentea, artxiboko irudi batean.
Pedro Sanchez Espainiako Gobernuko presidenteak NATOrekin akordioa lortu du Espainiaren gastu militarra Barne Produktu Gordinaren (BPG) % 5era ez igotzeko: "Beste herrialde batzuek defentsan inbertsioa handitzeko asmoa errespetatzen dugu, hala nahi badute, baina guk ez dugu egingo".
Sanchezek jakitera eman duenez, Espainiak bere BPGaren % 2,1 bideratuko du defentsara, "ez gehiago, ez gutxiago", eta horrek NATOrekin dituen konpromiso guztiak bermatzea ahalbidetuko diola ere esan du.
Lortutako akordioa "oso positibotzat" jo du, "aliantza transatlantikoarekiko akordioak betetzea" eta "batasuna mantentzea" ahalbidetzen duelako, defentsako gastua handitu gabe.
Joan den ostegunean, Espainiako Exekutiboko buruak gutun bat bidali zion Mark Rutte NATOko idazkari nagusiari, eta bertan adierazi zion Espainiak ezin zuela defentsako gastua BPGren % 5era igotzeko konpromisoa hartu, eta salbuespen bat egitea edo helburua "hautazkoa" izatea proposatu zion.
Aliantzarekin lortutako akordioaren ostean egindako adierazpen instituzionalean, Sanchezek azpimarratu du % 5 "neurrigabea” litzatekeela, ez dela “beharrezkoa" eta ongizate estatuarekin bateraezina izango litzatekeela.
NATOren akordioa
Gauzak honela, NATOk akordioa itxi du igande honetan aliatuek 2035era arte defentsarako gastua BPGren % 5era handitzeko konpromisoa hartuta, baina Espainiari malgutasuna emanez, NATOk Hagan egingo duen goi-bilera baino egun batzuk lehenago iritsi den akordioan.
Mark Rutte NATOko idazkari nagusiak Sanchezen proposamena onartu du: "Zure gutuna ikusita, baieztatu nahi dut NATOren hurrengo goi-bilerarako akordioak beharrezko malgutasuna emango diola Espainiari bere ibilbide propioa zehazteko", berretsi du NATOko buruzagi politikoak.
Espainiak eragozpen handiak jarri ditu % 5 horren inguruan, eta azken orduko negoziazioek oztopo horiek gainditzea izan dute helburu.
Hala, azkenean goi-bileran onartuko den adierazpenean irekiago geratuko da testua, eta aldaketa horren arabera, aliatu guztiak ez dira defentsa gastua % 5era igotzera behartuta egongo.
Feijook "ke-laino" gisa ikusten du Sanchezen iragarpen
Alberto Nuñez Feijoo PPko buruak adierazi duenez, defentsako gastua BPGren % 5era ez igotzeko akordioa "ustelkeria estaltzeko" darabil Pedro Sanchez Espainiako Gobernuko presidenteak, "ke-lainoa" dela esan du hitzez hitz.
X sarean duen kontuan, Sanchezen Moncloako adierazpen instituzionala "propaganda" dela esan du Feijook, eta, "benetan, Sanchezek datozen hamar urteetarako gastu militarra konprometituko duela, aurrekonturik gabe eta Kongresutik pasatu gabe".
"Hau da, Sanchezek erabaki du Espainiak ordain dezala, baina bera ez dagoenean", esan du. Izan ere, "nazioarteko prentsak NATOk ezarritako azken helburua % 5 izaten jarraitzen duela" esan du Feijook eta Sanchezek "sortzen ari diren zalantza guztiei erantzun behar diela" gaineratu du.
"Ezin du mundu guztiari gezurra esaten jarraitu. Kanpo politika gauza serioa da, ez ustelkeria estaltzeko kezko horma bat ", erantsi du.
Yolanda Díaz: "Akordioak norabide zuzena du"
Yolanda Diaz Sumako buru eta bigarren presidenteordeak, aitzitik, nabarmendu du Pedro Sanchezek NATOrekin lortutako akordioak "norabide egokia" duela, eta azpimarratu du bere koalizioak "agenda soziala heda dadin" bultza egiten jarraituko duela.
Diazek Blue Sky sare sozialean esan duenez, "esan genuen murrizketak eta berrarmatzea ez zirela bidea. Legegintzaldiak 180 graduko bira behar zuela esan genuen", eta "NATOk eskatutako gastu igoera betetzeari uko egiteak norabide egokia" duela gaineratu du.
Podemosek "akordiorik ez sinatzeko" eskatu dio Sanchezi, eta NATOrekin egindako ituna "murrizketekin ordainduko" dela iragarri du
Bestalde, Ione Belarra Podemoseko idazkari nagusiak NATOrekin "akordiorik ez sinatzeko" eskatu dio Espainiako Gobernuko presidenteari, "gure herria arrisku larrian jartzen ari delako".
"NATOren helburuekin konprometitzeak gastu militarra izugarri handitzea dakar, eta Donald Trumpen legez kanpoko gerretan parte hartzea, hala nola Iranen aurkako erasoetan. Pedro Sanchezi inolako akordiorik ez sinatzeko eskatzen diogu, gure herria arrisku larrian jartzen ari delako", adierazi du Belarrak 'X' sare sozialean.
Politikari buruzko albiste gehiago
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".