UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
UCOren txostena izango da protagonista astelehen honetan Nafarroako Parlamentuko Mahaian eta Bozeramaileen Batzordean. Txosten horren arabera, Santos Cerdan PSOEren Antolakuntza idazkari ohiak komisioak jaso zituen Nafarroako hainbat obra publiko esleitzearen truke.
Hori horrela, Nafarroako Gobernuko kideek (PSN, Geroa Bai eta Zurekin Nafarroa) eta EH Bilduk adostutako ikerketa batzordea martxan jarriko da. Hain zuzen ere, batzorde horrek Nafarroako Gobernuak 2011ko ekainetik gaur arte egindako edo finantzatutako obra publikoen lizitazioak eta esleipenak aztertuko ditu. Ikerketak aipatutako pertsona fisiko edo juridikoek parte hartu duten kontratuak izango ditu abiapuntu.
Bestalde, Nafarroako Alderdi Popularrak (PPN) Maria Chivite Foru Gobernuko presidentearen agerraldia eskatu du, Nafarroako Gobernuaren eta UCOren txostenean inplikatutako enpresen arteko "harremanak eta kontaktuak" argitzeko. Bestalde, Voxek eskatu du agerraldia egin dezatela Uxue Barkosek (2015 eta 2019 artean izan zen presidente) eta Manu Ayerdi Garapen Ekonomikorako kontseilari ohiak, obra publikoen esleipenak azaltzeko.
UPNk, bere aldetik, hainbat galdera erregistratu ditu Parlamentuan Nafarroako Kontuen Ganberak, Jardunbide Egokien eta Ustelkeriaren aurkako Bulegoak eta kanpoko auditore batek berrikusi beharreko kontratuen entregari buruzkoak. Horrekin batera, Antxon Alonso Egurrola enpresaburuarekin izandako bilerei buruzko informazioa eskatu du, baita "Belateko tunelak bikoizteko obren esleipenean izandako ustezko irregulartasunen inguruan Mahaiko abokatuek planteatutako eragozpenei buruzkoa" ere.
Azkenik, astelehen honetako saioan, Ramon Alzorrizek PSNko bozeramailearen karguari uko egiteko tramitea egingo dute Nafarroako Parlamentuko Mahaiak eta Bozeramaileen Batzordeak.
Ainhoa Unzuk ordezkatuko du. Era berean, Nafarroako Parlamentuko Mahaiko lehen presidenteorde kargua utziko du, bere lanpostu berria bateraezina baita lanpostu berriak dakarren erantzukizunarekin.
Zure interesekoa izan daiteke
450 kulturgilek baino gehiagok eskatu dute Mugimendu Sozialistari Bilbon eta Gasteizen txosna jartzen uzteko
Bada Garaia ekimenaren baitan, bi hiriburuetan ezarritako debekua altxatzeko galdegin dute dozenaka idazlek, abeslarik, aktorek eta bertsolarik. Bilboko Konpartsei eta Gasteizko Txosna Batzordeari gatazka behingoz konpontzeko deia egin diete artistok.
Cerdanek ukatu du Leire Diezen ustezko sarearen burua dela, eta salatu "kanpaina mediatiko" baten biktima dela
PSOEko Antolakuntza idazkari izandakoaren iritziz, UCOren helburua "pertsonak suntsitzea da, ez delituak ikertzea". Argudiatu duenez, Polizia Judizialak gertakari zehatzak ikertu eta, ondoren, erantzuleak bilatu ordez, "alderantzizko metodologia" erabiltzen du.
Europako Migrazio Itunaren "hutsuneak eta zalantzak" kritikatu dituzte Kanarietako eta Euskadiko gobernuek, indarrean jarri aurretik
Migrazioaren eta Asiloaren Europako Ituna indarrean jartzeko astebete falta denean, "ziurtasun baino zalantza gehiago" daudela deitoratu dute. "Elkartasunak agenda, aurrekontua, gobernantza eta erantzukidetasuna izan behar ditu", azpimarratu du Nerea Melgosak.
Sanchezek dioenez, ez zituen Diezen "ibilerak" babestu, ez zuen haien berri, eta izan balitu ez zituzkeen onartuko
Pedro Sanchezek iragarri duenez, PSOEko talde juridikoa Leire auziari buruzko dokumentazio guztia aztertzen ari da, alderdiaren "ohorea" babesteko ekintza egokiak abiatzeko. "Nire gobernua gobernu garbia da, nire alderdia alderdi zintzoa da, eta, oroz gain, ustelkeria gutxi batzuen kontua da", azpimarratu du.
Bengoetxea: "Informazioak kezkagarriak dira, egunen batean Sanchez presidenteak azalpenak eman beharko ditu"
Ibone Bengoetxea Kultura eta Hizkuntza Politikako sailburu eta lehen lehendakariordea PSOE "ataka zailean" jartzen ari diren ustezko ustelkeria auzien inguruan mintzatu da. Horren ustez, "egoera larria da", eta buruzagi sozialistak azalpenak eman beharko ditu. Auziek Jaurlaritzan izan dezaketen eraginaz galdetuta Bengoetxeak erantzun duenez, Jaurlaritzak "euskal agenda du" eta "ez da despistatzen".
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.