Albiste izango da: Amnistia Legearen bozketa, NATOren berrarmatzea eta bero-bolada larunbatetik aurrera
Gaurkoan albiste izango direnen laburpena, bi hitzetan.
Auzitegi Konstituzionala, artxiboko irudi batean. Argazkia: EFE
Ekainaren 26 honetan lerroburu izango diren gaiak, honatx:
- Amnistiari buruzko Legearen bozketa: Alderdi Popularrak Amnistia Legeari jarritako helegiteari buruzko bozketa gaur egingo da Auzitegi Konstituzionalean. Aurreikuspenen arabera, auzitegi horrek Amnistia Legea ontzat emango du, 6 magistratu progresisten aldeko eta 4 epaile kontserbadoreen aurkako botoekin.
- NATOren berrarmatzea: Atzo amaitu zen NATOren goi-bilera Hagan, eta estatu guztiek, Espainiak barne, sinatu dutenaren arabera, defentsa gastura BPGaren % 5 bideratuko dute estatuek. Bileraren ostean, Pedro Sanchezek berretsi zuen Espainiak bere ibilbide-orriari jarraituko diola eta BPGaren % 2,1 bideratuko duela. Horren aurrean, haserre agertu zen Donald Trump AEBko presidentea, eta muga-zergak areagotzearekin mehatxatu zuen.
- Bero-bolada: Udalako lehen bero-bolada iritsiko da larunbatean, eta aurreiskupenen arabera, gutxienez, asteartera arte iraungo du. Euskalmeten arabera, 30 gradutik gora kokatuko dira termometroak asteburu osoan, bereziki, igandean eta datorren astelehenean.
Politikari buruzko albiste gehiago
Martinezek ostiralean Osasun Ituna onartzeko adostasuna lortzea espero du
Bestalde, Radio Euskadiko 'Ganbara' saioan egindako elkarrizketan, Osasun sailburuak iragarri du Mahai Sektorialean lan eskaintza publiko eredu berri bat onartu berri dutela, Medikuen Sindikatuak eta SATSEk babestuta, eta, horri esker, 4.200 lanpostu eskaini izango dituztela urte amaieran.
Belarrak NATOtik ateratzeko eskatu du
Ione Belarra Podemosen idazkari nagusiak uste du Pedro Sanchezek "Azoreetako argazkia" egingo duela asteazken honetan Donald Trump AEBko presidentearekin eta Ursula von der Leyen Europako Batzordearen presidentearekin, NATOk Defentsarako gastua handitzeko egin duen goi-bileran. Maria Jesus Montero Espainiako Ogasun ministroak Gobernuaren aurkako "jarrera kritikoa" aurpegiratu dio.
Liskarra Kongresuan, Monterori gezurti deitu ostean: "PPko diputatuak, jabetzen al zarete zer irudi helarazten diezuen herritarrei?”
Diputatuen Kongresuko Osoko Bilkurak tentsio handiko unea bizi izan du asteazken honetan, Maria Jesus Monterok hitz egin ostean, PPren diputatu batek "gezurti "deitu baitio. Gertakariaren ondorioz, Kongresuko presidenteak saioa eten behar izan du une batez, eta parlamentari popularrei jarrera aldatzeko galdegin die.
Bi ekimen martxan, Txomin Letamendiren aitortza instituzional eta judiziala lortzeko
Alde batetik, 1950ean torturatuta hil zuten EAJko militantearen familiak Eusko Jaurlaritzari eskatu dio izaera instituzionaleko biktima gisa aitortzeko. Bestetik, borondatezko jurisdikzioaren bideari ekin diote.
UCOren arabera, Cerdanek Servinabarren % 45 erosi zuen 6.000 euroren truke
Salerosketa kontratua 2016ko ekainaren 1ekoa da, eta Antxon Alonsok zituen 3.000 partaidetzetatik 1.350 erosi zituen Santos Cerdanek, bakoitzak euro bateko balioarekin. Guardia Zibilaren UCOk gaur bidali dio agiria Gorenari.
PSOE eta bere bazkideek onartu egin dute 78ko sanferminetako gertakariak desklasifikatzeko EH Bilduk egindako eskaera
PPk eta Voxek PSOEri leporatu diote EH Bildu "zuritzeko" operazioa egitea. Ekimenaren bozketa ostegunean egingo da.
Osasun Ituna ixteko “presarik ez izatea” eta “benetako eztabaida egitea” eskatu du EH Bilduk
Pello Otxandianok adierazi du ituna ezin dela "bozketa orokor batekin amaitu". Horrez gainera, EH Bilduk zuzenketa bat egin duela eman du ezagutzera, osasun sistema publikoarekin "konpromiso argia eta zalantzarik gabea".
Pradalesek Aznarri erantzun dio: "Oso harro nago nire abizen eta sustraiez"
Jose Maria Aznar Espainiako Gobernuko presidente ohiak Pradales lehendakariaren aurka egin zuen, lehendakari autonomikoen konferentzian euskaraz hitz egiteagatik.
"Ziurgabetasuna areagotzen" ari den garaiotan "arriskatzen jarraitzeko" eskatu die Pradalesek sailburuei
Legealdiaren lehen urteurrena dela eta, Ajuria Enean bildu da gaur Gobernu Kontseilua, eta ondorengo prentsaurrekoan hitz egin du lehendakariak, urtebeteko balantzea egiteko.