EH Bilduko Irati Jimenez izango da Nafarroako esleipen publikoak ikertuko dituen batzordearen burua
Pedro Gonzalez (UPN) izango da presidenteordea, eta Idazkaritza, berriz, Blanca Regulezen (Geroa Bai) ardura izango da.
Irati Jimenez EH Bilduren parlamentariak zuzenduko du Nafarroako Gobernuak azken lau legealdietan egindako lanen esleipenak ikertuko dituen batzordea. Gaur Foru Parlamentuan egin den saioan izendatu dute batzorde horretako presidente koalizio abertzaleko ordezkaria, bere taldearen eta PSNren babesarekin.
Saio berean, UPNk Pedro Gonzalez proposatu du hautagai gisa, eta PPNren eta Talde Mistoaren (Vox) babesa jaso du. Hala ere, babes horien batura ez da nahikoa izan batzordeburu izateko, eta, beraz, Presidenteordetza hartuko du. Geroa Baik, bere aldetik, Blanca Regulez aurkeztu du hautagai gisa, eta bere taldearen eta Contigo-Zurekin taldeen babesarekin, hartuko du mahaiaren Idazkaritzaren ardura.
Organoaren osaketari dagokionez, UPN, PSN, EH Bildu eta Geroa Bai talde parlamentarioek bina ordezkari dituzte. PPN, Contigo-Zurekin eta Talde Mistoak (Vox) ordezkari bana dute talde bakoitzeko.
UPNk Javier Esparza eta Pedro Gonzalez izendatu ditu batzordean; PSNk Javier Lecumberri eta Ainhoa Unzu izango ditu ordezkari; EH Bilduk Adolfo Araiz eta Irati Jimenez; eta, Geroa Baik, Pablo Azcona eta Blanca Regulez.
PPNri dagokionez, berriz, Javier Garcia izango da ordezkaria, eta Irene Royo eta Maribel Garcia Malo izango dira ordezkoak. Contigo-Zurekin taldeak Miguel Garrido aukeratu du, eta Emilio Jimenez izango da Talde Mistoaren ordezkaria.
Kideak izendatuta eta batzordea eratuta, lanean hasteko moduan da taldea. Aurreiskupenen arabera, hainbat hilabete beharko dituzte esleipenak aztertu eta ondorioak ateratzeko.
Zure interesekoa izan daiteke
Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak Picassoren obra Euskadira berme guztiekin eramateko baldintza egokiak zeintzuk diren berri izatea baino ez du eskatzen. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten, ez aitarekin ez inorekin"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garain, musukoak erosteko lehiaketa publikoetatik irabaziak ateratzea leporatuta, 24 urte arteko kartzela zigorrak eskatu ditu fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".