Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Mikel Torres lehendakariorde eta Ekonomia, Lan eta Enplegu sailburuak onartu du egin berri den Aldebiko Batzordean ez direla espero ziren emaitzak lortu, eta Yolanda Diazek zuzentzen duen Lan Ministerioari egotzi dio horren ardura. Nolanahi ere, baieztatu du Pedro Sanchez Espainiako Gobernuko presidenteak baduela borondatea zintzilik geratu diren gai horietan aurrera egiteko.
Bilbon egindako aurkezpen batean, atzoko bileraren balorazioa positiboa egin du Torresek. Jaurlaritzak eta Espainiako Gobernuak Itsas Salbamenduaren transferentzia ta Makineria Egiaztatzeko Zentroaren instalazioak EAEra ekartzea adostu zuten.
Gizarte Segurantzaren eskualdaketan ere aurrera egin zuten. Bi gobernuek kotizazio gabeko lau prestazio adostu zituzten (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Adostasun horiek atea zabaltzeko balio izan badu ere, ez da helburua erabat bete, Jaurlaritzaren ustez, zintzilik geratu baita langabezian egoteagatik jasotzen diren prestazioen kudeaketa, eta langabezia agortzen denean jasotzen den laguntza kudeatzeko aukera.
Horren aurrean Torresek bi gobernuen arteko lankidetza nabarmendu du eta baikor agertu da, uste baitu atzo adostutakoak "ate garrantzitsua" irekitzen dio bereziki Gizarte Segurantzaren alorrean zintzilik geratu diren transferentziei.
Hala, Bitariko Batzordea urteko azken hiruhilekoan berriz bilduko dela jakinarazi du eta tarte horretan negoziazioek aurrera jarraituko dutela. Gaineratu duenez, errezeloak ez datoz bereziki PSOEren Gobernutik, eta Lan Ministerioak gainditu beharreko oztopoak dituela aurretik adierazi du.
Ildo beretik mintzatu da Radio Euskadiko mikrofonoen aurrean Marisol Garmendia Espainiako Gobernuak Euskal Autonomia Erkidegoan duen ordezkaria ere. Bertan, Pedro Sanchez presidentearen “borondatea” azpimarratu du autogobernuan aurrera egiteko. Hala, esan du Sumar "etxeko lanak egiten" ari dela eta ondorengo hilabeteetan akordioak betetzeko negoziazioak areagotuko dituztela.
Politikari buruzko albiste gehiago
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.