Gasteizko alkateak Aranako errefuxiatuentzako zentroko plazak 350etik 200era murrizteko eskatu dio Espainiako Gobernuari
Maider Etxebarriak Elma Saiz Inklusio, Gizarte Segurantza eta Migrazio ministroari eskatu dio zentroko espazio batzuk inguruko auzokideek erabili ahal izatea errefuxiatuei integratzen laguntzeko.
Maider Etxebarria Gasteizko alkateak Espainiako Gobernuari eskatu dio Gasteizko Arana egoitza zaharrean dauden errefuxiatuen zentroko plazak 350etik 200era murrizteko, hobeto kudeatu ahal izateko.
Alkateak prentsaurrekoan jakinarazi duenez, astelehenean bilera izan zuen Madrilen Elma Saiz Inklusio, Gizarte Segurantza eta Migrazio ministroarekin (zentroa horren menpe dago), hainbat eskaera egiteko, aurreikusitako plazen murrizketa hiriaren gizarte-zerbitzuen gaitasunera "hobeto" egokituko litzatekeelako.
Halaber, zentroko gune batzuk inguruko bizilagunek erabili ahal izateko eskatu zion ministroari, kirol-eremuak ez ezik liburutegia eta beste gune batzuk ere herritarren eskura jartzeko. Horrek errefuxiatuak integratzen lagunduko duela azpimarratu du alkateak.
Etxebarriak beste eskaera bat da ere egin zion ministroari, Gobernuak Eusko Jaurlaritzarekiko koordinazioa hobe dezan gizarteratze-, hezkuntza- eta osasun-ibilbideen arloan.
Alkatearen esanetan, ministroak eskaera horiek aztertzeko konpromisoa hartu du.
Gerren ondorioz edo ideia politikoengatik edo sexu-egoeragatik beren herrialdeetatik alde egitera behartuta dauden migratzaileei itxaropena ematea da zentro honen helburua, horren hitzetan, eta nabarmendu du Gasteiz beti izan dela hiri solidarioa aurreko hamarkadetan Espainiako beste probintzia batzuetatik iritsi diren milaka pertsonekin.
Alkatearen aburuz, baliabide hori "ez da gaizkileen zentro bat, eskuin muturrak eta diskurtsoa erosi duten beste alderdi batzuek sinetsarazi nahi duten bezala", PPri erreferentzia eginez.
Melgosak uste du ez dela nahikoa plazak 200era murriztea
Ongizateko, Gazteriako eta Erronka Demografikoko sailburu Nerea Melgosak iritzi dio ez dela nahikoa plaza kopurua 350etik 200era murriztea, eta berretsi du Euskadik "harrera eredu propioa" izan behar duela, errefuxiatu taldeak txikiagoak izan daitezen, eta horiek gizarteratzea errazagoa izan dadin.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.