Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.
Amiantoaren eraginpean egon diren pertsonek bihartik, irailaren 18tik, eskatu ahal izango dute osasun-kalteengatik sortutako konpentsazio-funtsaren laguntzak jasotzeko behar den ziurtagiria.
Asteazken honetan Alberto Martinez sailburuak Amiantoaren Balorazio Taldea sortzeko agindua sinatu ondoren, izapideak bihartik aurrera has daitezkeela jakinarazi du Eusko Jaurlaritzako Osasun Sailak.
Talde horrek aurkeztutako eskaerak eta dokumentazioa aztertuko ditu, eta amiantoaren eraginez sortutako patologiak egiaztatzeko irizpena egingo du. Ondoren, Osasun Publikoko Zuzendaritzak ziurtagiria emango du, eta horrek bidea irekiko die biktimei Gizarte Segurantzako Institutu Nazionalak kudeatzen dituen konpentsazio ekonomikoak jasotzeko.
Agindua ostegunean argitaratuko dute Euskal Herriko Agintaritzaren Aldizkarian (EHAA), eta hortik aurrera eskabideak aurkeztu ahal izango dira, bai modu elektronikoan, bai aurrez aurre, Zuzenean zerbitzuaren egoitzetan.
Balorazio Taldea hiru kidek osatzen dute: Osasun Publikoko teknikari bat; laneko osasunean aditua den Osalaneko mediku bat; eta ingurumen osasunean aditua den beste teknikari bat.
Aginduak jasotzen duenez, eskaria aurkeztu eta gehienez hiru hilabeteko epean eman beharko dute ziurtagiria.
Politikari buruzko albiste gehiago
Euskadik eta Espainiako Gobernuak akordioa sinatu dute langabezia-prestazioaren eskualdaketarako
Transferentzien Batzorde Mistoan gauzatuko da urtea amaitu aurretik, eta Eusko Jaurlaritzak SEPEren bulegoak eta langileak bere gain hartuko ditu.
Eusko Legebiltzarreko politika orokorreko osoko eztabaida, zuzenean
Jarraitu zuzenean, 09:30etik aurrera, Eusko Legebiltzarrak urte politikoari hasiera emateko osoko bilkura.
Politika orokorreko lehen osoko bilkura izango da ostegun honetakoa Imanol Pradalesentzat
Amaitu dira "oporrak" Eusko Legebiltzarrentzat. Ostegun honetan ekingo dio berriz bere jarduerari, Politika Orokorreko osoko bilkurarekin. Urte politikoa markatuko duten gaiak jarriko dituzte mahai gainean lehendakariak eta legebiltzarkideek.
Sanchezek onartu du euskal industriari eragingo diola gehien Estatu Batuetako merkataritza gerrak
Espainiako Gobernuko presidenteak Europako merkatu bakarra bultzatzeko eta merkataritza-harremanak dibertsifikatzeko beharra defendatu du, merkataritza-tentsioari aurre egiteko.
Zarauzko Udalak 'Txiki' eta Otaegiren erakusketa udal aretoan jartzea debekatu du
Udaleko iturriek EITBri azaldu diotenez, erakusketa "partziala, ideologikoa eta ez anitza" delako hartu dute erabakia.
Gazako genozidioaren salaketa ez politizatzeko eskatu du Eusko Jaurlaritzak
Gazako genozidioa "guztiok salatu beharko genukeen" gaia dela esan du Maria Ubarretxena Eusko Jaurlaritzako bozeramaileak, eta horren inguruan ez politizatzeko eskatu du. Halaber, gogora ekarri du Eusko Jaurlaritzak adierazpen instituzional bat onartu zuela Gazan "baldintzarik gabeko su-eten iraunkorra" exijitzeko.
EH Bilduk Pradalesekin izandako sintonia nabarmendu du, eztabaida estatus berrira bideratzeko
Pello Otxandiano EH Bilduren Legebiltzarreko bozeramaileak Imanol Pradales lehendakariaren eta koalizio soberanistaren arteko sintonia baloratu du, estatus politiko berri baten inguruko eztabaida euskal agendaren erdigunean jartzeko eta Pedro Sanchezen egungo Gobernuarekin irekitako "aukera leihoa" aprobetxatzeko.
Ustelkeriaren aurkako txostenek "kudeaketan akatsak" baino ez dituztela aipatzen esan du Chivitek
Maria Chivite Nafarroako Gobernuko presidenteak adierazi duenez, Ustelkeriaren aurkako Bulegoaren txostenak dio Belateko tunelaren esleipena "erabat deuseza" dela, eta "kudeaketan akatsak" egon izana aipatzen du. Chivitek azpimarratu duenez, "ez dago ustelkeriarik, ez da ondare-kalterik egon eta ez dago interes-gatazkarik".
Espainiako Gobernuak Israelgo negozio arduraduna deitu du, Vueltaren kritiken ostean
Atzerri Ministerioak "onartezintzat" jo ditu Gideon Sar ministro israeldarrak Pedro Sanchezen aurka egindako salaketak, Madrilen txirrindularitza lasterketaren azken etapa bertan behera geratu ostean.