Espainiako Fiskaltzak Israelek Gazan egindako "krimenak" ikertuko ditu
Alvaro Garcia Ortiz Espainiako fiskal nagusiak Zigor Kodearen "urraketa larriak" aipatzen ditu, genozidioa eta gizateriaren aurkako delituak tartean.
Espainiako fiskal nagusiak agindu du Israelek 2023ko urriaren 7az geroztik Gazako Zerrendan egindako krimenak ikertzea, tartean, genozidioa eta gizateriaren aurkako delituak. Halaber, ikerketa hori egingo dutenak ere izendatu ditu: Dolores Delgado Memoria Demokratikoaren fiskala eta Jesus Alonso Auzitegi Nazionaleko fiskalburua.
Europa Press albiste agentziak eskuratu ahal izan duen Garcia Ortizen dekretuaren arabera, "deskribatzen diren egitateak Giza Eskubideen Nazioarteko Zuzenbidearen eta Nazioarteko Zuzenbide Humanitarioaren urraketa larriak lirateke, Zigor Kodean ere jasota daudenak", genozidio eta gizateriaren aurkako delitu gisa.
Pasa den uztailaren 28an, Delgadok baimena eskatu zion fiskal nagusiari Alonsorekin batera ikerketa zabaltzeko, eta horri erantzutera dator Garcia Ortizen dekretua.
Bestalde, Garcia Ortizek agindu du abiatutako ikerketari buruzko informazioa Nazioarteko Justizia Gorteari eta Nazioarteko Zigor Auzitegiko Fiskaltzari bidaltzea.
Zure interesekoa izan daiteke
Anduezaren ustez, lehendakariak "oker" jardun zuen EHUren irekierara ez joanda, eta publikoa defendatzeko eskatu dio
Estebanek Otegiri: "Fatxak ginen duela hiru urte, eta orain balio komunak ditugu?"
Ultraeskuinari aurre egiteko elkarlanean aritzeko prest egoteko eskatu dio EAk lehendakariari
Parot eta Iparragirreren gradu progresioen aurkako helegiteak "mendekuan" oinarritutakoak direla uste du Sarek
Euskal Herrian Euskaraz mugimenduak euskararen lege berri bat aldarrikatu du
De Andres: "PP da euskal izaera ondoen defendatzen duena"
Erradikalizazioaren aurrean, gazte sozialistak "euste horma" direla esan du Maider Etxebarriak
Eskuin muturrari aurre egiteko ezberdinen arteko akordio "taktikoa" aldarrikatu du Otegik
Fiskaltzak helegitea jarri du Marisol Iparragirreri bigarren aldiz emandako erdi-askatasuneko erregimenaren aurka
