Sarek manifestazioa deitu du Bilbon urtarrilaren 10erako, "salbuespen politika" amaitu dadila eskatzeko
"Ezin da gehiago luzatu" lelopean egingo den mobilizazioan, ETAkoak izatea leporatuta espetxean dauden presoei salbuespenik gabeko espetxe politika arrunta aplikatzea eskatuko dute.
Urteroko hitzorduari eutsiz, Sarek manifestazioa deitu du datorren urtarrilaren 10erako Bilbon, ETAkoak izatea leporatuta preso politikoen kolektiboari aplikatzen zaion "salbuespen politika" amaitzea eskatzeko.
Gaur goizean egin dute prentsaurrekoa, Gasteizen, eta Bego Atxa eta Joseba Azkarraga Sareren bozeramaileek eman dute mobilizazioaren inguruko xehetasunen berri: urtarrilaren 10ean egingo dela, "Ezin da gehiago luzatu" lelopean. eman dituzte.
Sareren bozeramaileek onartu dute 2023. urteaz geroztik "aurrerapauso nabarmenak" egin direla, urruntze politika eta lehen gradua amaitzea lortu zuten eta.
Edozein kasutan, Sareko ordezkariek uste dute "gehiegi luzatu den eta sufrimendu handia eragin duen prozesuaren azken txanpari" ekiteko garaia dela. "Eta bidearen azken zati hau beharrik gabe gehiegi luza ez dadin", euskal gizarte osoari dei egin diete.
126 preso
Sarek gogora ekarri duenez, Hego Euskal Herriko kartzeletan 123 preso daude, eta 3, Frantziako espetxetan, ETAkoak izatea leporatuta. Halaber, preso horietatik 63 bigarren graduan daude oraindik, zigorraren erdia bete badute ere —legearen arabera hirugarren gradura pasatzeko bete behar dena—.
Gainera, "presoen % 25ek baino gehiagok (32) zigorraren zati handi bat bete duten arren" ez dute, oraingoz, irteera programaturik, eta ez dute espetxe baimenik izan, "espetxe arloko araudiak dakar posible dela neurri horiek ezartzea, zigorraren laurden bat beteta izanez gero".
"Garaia da aurrera egiteko eta lehenbiziko pausoetako bat da, nahitaez, legeak salbuespenik gabe aplikatzea; hau da, konponbide legal eta progresibo bat ematea oraindik espetxean daudenei. Lehenbailehen egin beharra dago, berandu gabiltzalako", gaineratu dute.
Zure interesekoa izan daiteke
Epai zain geratu da fiskal nagusiaren aurkako epaiketa
Azken saioan, Garcia Ortizen defentsak berretsi du Alberto Gonzalez Amador enpresaburua dela "benetako filtratzailea". Akusazioek, berriz, salatu dute fiskal nagusiak prentsa erabili zuela, herritarren artean iritzi bat sortzeko.
Juntsen abstentzioak Sanchezen Gobernuari arnasa eman dio, nuklearrei buruzko bozketan
Espainiako Gobernuarekiko haustura formalizatu eta hamar egunera, Carles Puigdemonten alderdiak PPren zuzenketa batek aurrera egitea eragotzi du. Txalo zaparrada batekin eratzun dute PSOEko diputatuek.
Zupiria: "Larunbatekoa nahi nuke izatea festa eguna, aldarrikapen eguna, elkartasun eguna, eta ez istilu eguna"
Ostegun goizean Bingen Zupiria Segurtasun sailburuak ohartarazi du larunbaterako komunikatu gabeko mobilizazio bat deituta dagoela, Euskal Herriko klubetako zaleek eta Palestinarekin Elkartasunak deitutakoari erreferentzia eginez. Hala ere, arratsaldean argitu dute mobilizazio hori komunikatuta eta baimenduta dagoela asteazken arratsaldetik.
CTBk atzera bota du garraioetako deskontuak otsailaren 20ra luzatzeko Aldundiak egindako proposamena
Proposamena Bizkaiko Garraio Kontseiluan landu da, baina atzera bota dute, Leixuri Arrizabalaga Aldundiko bozeramaileak ostegun honetan baieztatu duenez. Diputatuak zehaztu duenez, proposamenari bide ez emateak "oraingoz luzapena aplikatu ezin izatea" dakarren arren, foru erakundeak "ildo horretan akordio bat lortu ahal izateko lanean" jarraituko du.
Amnistiari buruzko azken hitza “aberria salbatu” nahi duten epaileek dutela ohartarazi du Puigdemontek
EBko abokatu nagusiak amnistia legearen gainean emandako iritzia dela eta balorazio ezberdinak egin dituzte aldeek. EBko abokatu nagusiak amnistia legeari babesa eman diola iritzi diote Junts, ERC eta Espainiako Gobernuak. PPren ustez, berriz, amnistia legeak zuzenbide estatuaren printzipioak "urratu" dituela ondorioztatu du Europar Batasuneko abokatu nagusiak.
Chiviteren hitzetan Gobernuan ez dago ustelkeria zantzurik: "Ez naute eroraraziko, ez dute lortuko"
Parlamentuan egindako osoko bilkuran, Chivitek esan duenez "edukiontziak gurutatzea bezain antisistema da instituzioak eta demokrazia ahultzen dituzten gezurrak zabaltzea". "Ez zaiteztela harritu ultraeskuinak gainetik pasatzen zaituztenean, zuek ari zarete haiei lan zikina egiten", esan die Gobernuan ustelkeria dagoela iradokitzen dutenei.
Ansola: "EAJ da alderdi bakarra, Voxekin izan ezik, alderdi guztiekin negoziatzeko ateak zabalik dituena"
Bizkai Buru Batzarreko presidenteak Euskadi Irratian egin duen elkarrizketa batean adierazi du, gainera, "gardentasuna" bultzatzen duela Segurtasun sailak atxilotuen jatorriak argitaratzeak. Gernikako Estatutuari dagokionez, azpimarratu du "traba politiko eta administratiboak" jartzen ari zaiela Espainiako Gobernua.
Mitxel Lakuntza: "Herri-ekimen legegile honen eztabaida ukatzea autogobernuari uko egitea da"
ELAren idazkari nagusiak ohartarazi duenez, ekimena tramitera ez onartzea "astakeria izango litzateke, iruzur demokratikoa", izan ere, "hori delako gizarteak legegintzan zuzenean parte hartzeko eskura duen mekanismo bakarra".
Eusko Legebiltzarrak atzera bota du Euskadirako gutxieneko soldata propioa ezartzeko legegintzarako herri-ekimena
Hainbat sindikatuk bultzatutako eta 138.000 sinadurak babestutako proposamenak kontrako 44 boto (EAJ, PSE-EE, PP eta Vox) eta aldeko 27 (EH Bildu eta Sumar) jaso ditu, eta ez dute Legebiltzarrean eztabaidatuko.
Gutxieneko soldata propioaren eztabaida aurrera egiteko babesik gabe eztabaidatuko da gaur Legebiltzarrean
09:30etik aurrera, ELAk, LABek, ESKk, Steilasek, Hiruk eta Etxaldek Herri Ekimen Legegilea defendatuko dute (138.000 sinadura alde dituena) Eusko Legebiltzarrean, baina emaitza erabakita dagoela dirudi: EAJk eta PSE-EEk tramitazioaren aurka bozkatuko dute, Eusko Jaurlaritzaren irizpidearen ildotik.