Arduragabekeriaz jokatu al zuten GOIDIa kudeatzen? Prozesu judizialaren gakoak, hemen
Hauek dira Catarrojako (Valentzia) Instrukzioko 3. Epaitegian irekitako auzi judizialaren gakoak.
2024ko urrian 229 pertsona hil ziren GOIDIaren ondorioz Catarrojako (Valentzia) 3. Epaitegian irekitako auzi judizialaren gakoak aletuko ditugu.
Zer ari dira ikertzen?
Urriaren 29an, Valentzian, GOIDIa kudeatzeko "zabarkeriaz jokatu" omen zuten, eta Valentziako biztanleei larrialdiaren berri emateko mezua "berandu" bidali omen zen. Hori ari dira ikertzen. Epaileak " ardura gabe jokatu zen zantzu garbiak" ikusi ditu, hainbat autotan zehaztu duen bezala.
Noiz hasi zen ikerketa?
Valentziako epaitegiak bizilagun partikularren salaketak jasotzen hasi ziren. Salatzaile batzuek ekaitzaren momentuan pairatu zituzten borraskak eragindakoak, eta beste batzuek, uholdeen ondorengo egunetan. Bide penaletik egin ziren gehienak, baina baita administrazioarekiko auzien bidetik ere. Horietan senideen desagerpenari buruzko xehetasunak ematen ziren, baina Autonomia Erkidegoko eta Estatuko administrazioetako hainbat arduradunen aurkako akusazioak ere.
Noren kudeaketa ari dira ikertzen?
Oraingoz, bi dira ikertuak, "jarduerarik eza" egotzita.
- Salome Pradas: Justizia eta Barne kontseilaria, 2024ko uztailetik azaroaren 22ra arte, orduan kargugabetu baitzuten. Cecopiren burua zen GOIDIa gertatu zenean, eta "herritarren babeserako neurriak hartzeko prozesuan". Deklarazioan, esperientziarik eza alegatu zuen eta erantzukizuna teknikarien esku utzi zuen.
- Emilio Argueso: Larrialdietarako idazkari autonomikoa eta Justizia eta Barne Kontseilaritzako bigarrena, 2024ko uztailetik abenduaren 3ra arte, kargugabetu zuten arte, alegia. Deklarazio judizialean "ezjakintasunaren" tesiari" eutsi zion.
Eta, Mazon?
Carlos Mazon Generalitateko presidentea prozesu judizialetik kanpo dago oraingoz, ez baitu onartu epaile instruktoreak ikertu gisa deklaratzera joateko egindako hiru deialdietatik bat ere.
Ventorro jatetxeko bazkaria
Auzi judizial honetako gakoetako bat da, ez baita frogarik aurkeztu bazkari horrek zenbat iraun zuen argitzeko. Orain arte, epaileak uste izan du Carlos Mazonen mahaikidea zen kazetariari galdetzea presidentea bera ikertzea bezainbestekoa zela, eta horrek haren eskumenak gainditzen zituen. Mazonek behin eta berriz esan du lan-bazkaria izan zela, eta alderdiaren gaiekin lotuta zegoela. Mazonekin Maribel Villaplana kazetaria izan zen, beste inor ez.
Azkenik, Bigarren Atalak epaileari agindu dio Villaplana kazetaria deklaratzera deitzea, "informazio garrantzitsua eman dezakeelako".
Akusazioak
Auzian 40 akusazio inguru daude gaur egun; horietatik hamar bat herri-akziokoak dira, eta gainerakoak, akusazio partikularrak.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.