Carlos Mazonen dimisioak utzitako titularrak: "Laguntza nahi genuen, eskatu genuen, eta ez genuen jaso"
Generalitateko presidenteak dimisioa eman du GOIDIak 229 hildako utzi eta urtebetera, susperraldia "ondo bideratuta" dagoela eta Erkidegoak "garai berri bat" behar duela iritzita.
Carlos Mazon Generalitateko presidenteak dimisioa eman du, "lur jota" dagoelako, galderarik gabeko adierazpen instituzional batean. 229 hildako utzi zituen GOIDIa izan eta urtebetera esan du agur presidenteak Generalitateko kideekin batera egindako agerraldian.
Hona hemen dimisioa iragartzeko hitzaldiak utzi duen titularretako batzuk:
Erabakiari buruz
"Dimisioa ematen dut lur jota nagoelako, eta ez dudalako indarrik honen buru izaten jarraitzeko".
"Susperraldia ondo bideratuta dago; orain Generalitateak garai berri bat behar du."
"Nire esku egon izan balitz, aspaldi dimitituko nukeen, baina ezin dut gehiago."
"Hilabete hauek oso gogorrak izan dira."
GOIDIaren tragediari buruz
"Badakit akatsak egin nituela, aitortzen dut eta haiekin biziko naiz bizitza osoan".
"Barkamena eskatu dut, eta berriro esango dut, baina nire akatsetako bat ere ez zen izan kalkulu politikoagatik".
"Ez genekien Poyoko erreka-bideak gainezka egingo zuenik, ez genuen jakin 30eko goizaldera arte inor hil zenik, ezta tragediak tamaina hori zuenik ere".
"Norberaren akatsak onartzeko unea da."
Hainbat akats egin izana onartu du, hala nola buloak sortu izana ahalbidetzea, larrialdi egoera ezartzea ez eskatzea (Feijook aholku hori eman ziola eta arrazoia zuela onartu du), eta "egun horretako agenda bertan behera ez uztea".
Espainiako Gobernuari kritikak
Espainiako Gobernuak larrialdia kudeatzeko "laguntza falta" salatu du.
"Laguntza nahi genuen, eskatu genuen, eta ez genuen jaso".
Espainiako Gobernuari, "presidentea buru duela", bera "politikoki kaltetzeko berreraikuntzarako tresnak ukatu izana" leporatu dio.
"Biktimak ariete gisa erabili nahi izan ditu."
"Badakit nire inguruan dagoen zarata aitzakia ezin hobea dela Gobernuaren erantzukizunak bere gain hartzea saihesteko."
GOIDIaren eguneko "informazio okerra", "laguntzaren atzerapena" eta ondorengo "berreraikuntza kaskarra" aipatu ditu.
Inozo jokatu zuela adierazi du, uste baitzuen laguntza "bizkor" etorriko zela, "Gobernuari harrera adeitsua egiteagatik".
"Egun hartako agenda bertan behera ez uztea akatsa izan zen".
Balantzea eta agurra
Agerraldia "balantze pertsonal" gisa definitu du, urte "gogor, sakon eta urratzaile" baten ostean.
"Gobernu autonomiko batek ez dio inoiz aurre egin horrelako erronka bati".
"Zauri materialak sendatzen ari dira, baina ondorio emozionalek irekita jarraitzen dute."
Gogorarazi duenez, "min nagusia biktimena da".
"Nire bizitza, baita politika ere, betiko aldatu zen urriaren 29an".
Berak alde egin eta gero "tragedia hau behar duen objektibotasunarekin enfokatzea" espero duela adierazi du.
Etorkizun politikoari buruz
"Gorteetako gehiengoak erabaki dezala presidente berria nor izan behar den".
"Valentziako Erkidegoak bultzada berri bat behar du, lidergo-etapa berri bat".
Duela egun batzuk GOIDIaren biktimen omenezko Estatu hileta egin zuten, eta, bertan, senide batzuek biraoka hartu zuten. Erabakia, azaldu duenez, hausnarketa prozesu pertsonal baten ondorio da, eta, kargua utzita, amaitu egin da.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.