Bi kazetarik ziurtatu dute fiskal nagusiak baino lehenago izan zutela Ayusoren bikotekidearen akordioaren berri
El País egunkariaren zuzendariorde ohiak azaldu duenez, bere iturria Madrilgo Erkidegoko Fiskaltzakoa zen.
Alvaro Garcia Ortiz, gaur, Auzitegi Gorenera iritsi denean. Argazkia: EFE
Miguel Angel Campos Cadena SER irratiko kazetariak eta Jose Manuel Romero El País egunkariaren zuzendariorde ohiak Auzitegi Gorenean adierazi dutenez, Isabel Diaz Ayuso Madrilgo presidentearen bikotekide Alberto Gonzalez Amadorren defentsaren e-mailaren berri izan zuten informazio hori Estatuko fiskal nagusi Alvaro Garcia Ortizen eskuetara iritsi aurretik.
Fiskaltzaren galderaren aurrean, Camposek ukatu egin du bere iturria fiskal nagusia izatea, eta martxoaren 13ko arratsaldean 2024ko otsailaren 2ko posta elektronikoa nola lortu zuen azaldu du. Email horretan, Gonzalez Amadorrek bi delitu fiskal aitortzen zituen, kartzela saihesteko itun baten truke. Kazetariak azaldu duenez, El Mundok 21:29an beste mezu elektroniko batean oinarritutako informazio bat argitaratu baino ordu batzuk lehenago izan zuen gaiaren berri; egunkari horrek zekarren albisteak Ayusoren bikotekidearen defentsari Fiskaltzak akordioa egitea eskaini ziola ziurtatzen zuen.
Camposek berretsi du martxoaren 13ko 15:34ak aldera ikusi zuela. Ikerketen arabera, Garcia Ortizek 21:59ak arte ez zuen horren guztiaren berri izan.
Kazetariak adierazi duenez, gau hartan fiskal nagusiari telefonoz deitu bazion ere, ez zuen harekin hitz egin. "Ahots-postontziak erantzun zuen", esan du, eta adierazi du "inoiz" ez duela "Alvaro Garcia Ortizekin harreman pertsonal edo profesional sendorik izan".
Jose Manuel Romero El País egunkariaren zuzendariorde ohiak ere lekuko gisa deklaratu du, eta martxoaren 12tik Gonzalez Amadorren defentsak akordioa lortu nahi zuela bazekiela adierazi du.
Romerok esan du fiskal nagusia ez zela haren iturria, eta gaineratu du Madrilgo Erkidegoko Fiskaltzako "iturri fidagarri" batek eman ziola guztiaren berri. Iturri horrek, gainera, Carlos Neira defentsako abokatuaren izena eman zion.
El País egunkariko beste hiru kazetarik deklaratu dute astearte honetan, eta Romerok kontatutakoa berretsi dute.
ElPluraleko kazetari bat izan da deklaratzen azkena. Sekretu profesionalari heldu dio, martxoaren 14ko goizean argitaratutako otsailaren 2ko postaren irudia nork bidali zion ez jakinarazteko.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.