Bi urteko inhabilitazioa ezarri dio Gorenak Estatuko fiskal nagusiari, sekretuak ezagutarazteagatik
Auzitegi Gorenak 7.200 euroko isuna ere ezarri dio Alvaro Garcia Ortizi, eta 10.000 euro eman beharko dizkio Alberto Gonzalez Amadorri kalte moralen ordainetan. Sententzia osoa ez dago oraindik idatzita eta egun edo aste batzuen buruan jakinaraziko da. Auzitegi Gorenean bertan deuseztatze-intzidente bat eskatu ahal izango du fiskalak zigorra etenarazteko; bide horrek ez du aurrera egiten normalean, baina beharrezkoa da Konstituzionalera babes eske jotzeko.
Auzitegi Gorenak bi urteko inhabilitazioa ezarri dio Alvaro Garcia Ortiz Estatuko fiskal nagusiari kargu horretarako, bai eta 7.200 euroko isuna, Alberto Gonzalez Amadorrek (Isabel Díaz Ayusoren bikotekidea) Ogasunari iruzur egin izana onartzen zuen mezuarekin lotutako datu erreserbatuak plazaratzeagatik.
Epaiketa amaitu eta astebetera, Gorenak erabakiaren berri eman du, baina, sententzia osoa ezagutzeko egunak ere itxaron beharko da, oraindik ez dute eta idatzi. Sententzia hori jakinarazi arte, horrenbestez, ez da indarrean sartuko zigorra.
Zazpi magistratuk (gehienak, kontserbadoreak) epaitu dute Alvaro Garcia Ortiz eta erabakia ez dute aho batez hartu, izan ere Ana Ferrer eta Susana Polo magistratuek boto partikularra eman dute.
Gorenaren erabakiaren arabera, Alberto Gonzalez Amadorri (Isabel Diaz Ayuso Madrilgo presidentearen bikotekidea) kalte moralak eragin dizkio eta 10.000 euroko kalte-ordaina eman beharko dio. Prozesuaren gastuak ere bere gain hartu beharko ditu Garcia Ortizek.
Fiskalaren azken aukera
Alvaro Garcia Ortiz Estatuko fiskal nagusiak Auzitegi Gorenak ezarri dion zigorra saihesteko azken saiakera baterako aukera izango du, Auzitegi Gorenean bertan, deuseztatze-intzidente baten bidez. Bide horrek normalean ez du aurrera egiten, baina ezinbestekoa da Konstituzio Auzitegira babes-bila jotzeko.
Bide hori eginez gero, Ministerio Publikoaren buruak bermeen gorteari eska diezaioke, kautelaz, kondena betetzea etetea, epai horren aurkako errekurtsoari buruzko ebazpena eman arte.
Izendapen-prozesua
Espainiako Gobernuak adierazi duenez, sententzia errespetatzen du, nahiz eta bat ez etorri, eta argitu du datozen egunetan jarriko duela abian Estatuko fiskal nagusi berri bat izendatzeko prozesua, bermatuz Zuzenbidearen esparruan prestigio profesional handiko pertsona bat izango dela.
Zure interesekoa izan daiteke
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.