Inbestiduraren gehiengoak gogor kritikatu du Garcia Ortizen aurkako zigorra
Epai osoa aztertu ondoren balorazio hobea egingo dutela esan arren, PSOEk, Sumarrek, ERCk eta EAJk epaiari buruz egindako lehen iritziek "kolpe judiziala" edo "politikaren judizializazioa" aipatzen dute.
Pedro Sanchezen inbestidura ahalbidetzeko gehiengoa osatu zuten alderdiek gogor kritikatu dute Alvaro Garcia Ortiz Estatuko fiskal nagusiari bi urteko gaitasungabetzea ezartzea, sekretuak ezagutarazteagatik. Epaia osorik ezagutu ondoren baloratuko dutela adierazi dute, baina lehen iritzietan "kolpe judiziala" eta "politikaren judizializazio" aipatu dituzte.
Gobernuak egin bezala, PSOEk ere zigorra "errespetatzen" duela baina ez duela harekin bat egiten adierazi du ohar baten bidez. Hala ere, epaiaren eduki osoa ezagutu arte itxarongo duela dio oharrak.
Alderdiak fiskal nagusiaren lana ere aitortu nahi izan du, "legearekin, egiarekin eta erakunde publikoen independentziarekin duen konpromisoa".
Hala ere, Patxi Lopez PSOEk Kongresuan duen bozeramailearen hitzetan, epaiaren emaitza "lotsagarria" da. Epaia beteko dutela jakinarazi du, baina "prozesu osoari buruz dakiguna jakinda, lotsagarria iruditzen zait" aitortu du.
Koalizio Gobernuko beste bazkideak, Sumarrek, uste du Gorenaren kondena "kolpe judiziala" dela. "Botere judizialeko sektore batzuek Gobernuaren aurkako borroka politikoan sartzea erabaki izanaren frogarik argiena" iruditu zaio ezkerreko alderdiari, ohar batean kaleratu duenez.
Mugimenduko iturriek adierazpenetan "bizitza demokratikoan eragiteko saiakera" gisa definitu dute eta erabaki hori "zantzu ahuletan" oinarritua dagoela gogorarazi dute, "froga bakar bat izan gabe".
Alderdiko koordinatzaile Lara Hernandezek Jose Maria Aznarrek 2023an botatako esaldi batekin lotu du epaia. Presidente ohiak "egin dezakeenak egin dezala" adierazi zuen unibertsitate bateko ekitaldi batean, inbestidurari eta Amnistia Legeari buruz hitz egin zuenean, eta, Hernandezen ustetan, bide horretatik joan da erabaki hau ere.
Bestalde, Ione Belarra Podemoseko idazkari nagusiak "kolpismo judizial huts" gisa definitu du X sare sozialean Gorenak emandako epaia, eta ziurtatu du "eskuin judizialak modu zibilean" hil duela Garcia Ortiz, "Ayusoren eta haren mutil-lagunaren ustelkeria estaltzeko".
Esquerra Republicana (ERC) alderdiak Kongresuan duen bozeramaileak, Gabriel Rufianek, ere sare sozialetan hitz egin du fiskal naguriaren aurkako epaiari buruz. Epaileek "mezu argi bat" eman dutela uste du: "Ayuso ez da ukitzen".
EH Bilduri dagokionez, Arnaldo Otegi idazkari nagusiak ere Aznarrek 2023an esandakoekin lotu du fiskal nagusiari ezarritako zigorra X sare sozialean.
Bien bitartean, EAJk Garcia Ortiz kondenatzea "politikaren judizializazioaren" adibide gisa ikusten du, "denei kalte egiten dielako". Hala adierazi du Maribel Vaquero Kongresuko bozeramaileak X sare sozialean.
Jeltzaleen bozeramaileak "harridura" agertu du, epaia "sakon" aztertuko dutela esan ostean.
Juntsen kritikak PSOEri
Junts aldendu egin da Gorenaren erabakiari egindako kritiketatik eta PSOEren aurka egin du. Miriam Nogueras Kongresuko bozeramailearen hitzetan, "Justiziak justua izateari uzten dio beraiei eragiten dienean".
Gaineratu duenez, "kataluniarrak dira erabaki honekin gutxien harritu direnak, Gorena ezagutzen dugulako eta Fiskaltza noren esku dagoen badakigulako", eta gogorarazi du PSOEk eta PPk Botere Judizialaren Kontseilu Nagusiaren osaera adostu zutela.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.