Milaka pertsona bildu dira Madrilen, Espainiako banderekin, PPk hauteskunde orokorrak eskatzeko egindako protestan
Alberto Nuñez Feijoo PPko presidente denetik PPk Espainiako Gobernuaren aurka egin duen zazpigarren protesta izan da. Isabel Diaz Ayuso Madrilgo Erkidegoko presidenteak esan du "ETA Euskadiri eta Nafarroari egindako erasoa prestatzen ari" dela, eta gogor egin du EH Bilduren eta EAJren aurka.
Milaka pertsona bildu dira igande honetan Madrilen, Debod tenpluko zelaigunean, PPk Pedro Sanchezen gobernuaren "ustelkeria" salatzeko deitutako protestan parte hartzeko eta hauteskunde orokorrak deitzea eskatzeko. 80.000 izan dira antolatzaileen esanetan, eta 40.000, berriz, Gobernuaren ordezkaritzaren arabera.
Efectivamente: ¿mafia o democracia? lelopean egin den elkarretaratzean parte hartu dutenek Espainiako banderak eraman dituzte, ez PPrenak, PPk "siglarik gabeko protesta" izatea eskatu baitzuen. Gainera, "dimisioa orain", "botere banaketa" edo "independentzia judiziala" eskatzen zuten pankartak ikusi dira.
Carlos Moreno, El Pulpo, PPren ekitaldietan ohikoa den kazetariak girotu du mobilizazioa, eta, besteak beste, El Padrino filmeko musika jarri du. "Pedro Sanchezen gobernua definitzen duen soinu-banda da", esan die Debodeko tenpluan bildu diren herritarrei.
Alberto Nuñez Feijoo PPko presidente denetik PPk Espainiako Gobernuaren aurka egin duen zazpigarren protesta izan da igande honetakoa. Alderdi horrek Debodeko tenpluaren agertoki bera aukeratu zuen 2023ko abenduaren 3an amnistiaren eta PSOEren eta Juntsen negoziazioen aurkako beste protesta bat egiteko. PPk orain arte deitutako protestetan inoizko protestari gutxien bildu zituen egun hartan.
Jose Luis Abalos espetxeratu izanak eragin du gaurko protesta; izan ere, popularren arabera, "ez da gertaera isolatua", Sanchez "sagar ustela" baita.
Testuinguru horretan, Jose Luis Martinez-Almeida Madrilgo alkateak giroa berotu du PPko presidenteak ekitaldi politiko honetan parte hartu aurretik. "Euskal Herriko mendietako baserri batean jaio eta hautetsontzietan hilko den Gobernua" aipatu du bere hitzaldian.
Bestalde, Isabel Diaz Ayuso Madrilgo Erkidegoko presidenteak esan du ETA "Euskadiri eta Nafarroari egindako erasoa prestatzen ari" dela, Pedro Sanchez presidentea "sostengatzen" duen bitartean, eta gogor egin du EH Bilduren eta EAJren aurka.
"Espainiako Gobernua epaileen aurka protesta egitera deitzen ari da, eta nik ustelkeriaren aurka egiteko eskatzen diet herritarrei", esan du Feijook, Jose Maria Aznar eta Mariano Rajoy presidente ohiek babestu duten hitzordu politiko honetan.
Feijook salatu duenez, Espainiako Gobernua eta PSOE inguratzen dituen ustelkeria "ez da akats puntuala". "Sanchismoa kartzelan dago eta Gobernutik atera behar dugu", adierazi du PPko presidenteak. Popularren buruak hauteskundeak eskatu ditu berriro, eta alderdi guztiei zuzendu zaie, Sanchezen gobernuari aurre egin diezaioten.
"Sanchismoa ustelkeria politikoa, ekonomikoa, instituzionala, soziala eta morala da", ohartarazi du Feijook, 80.000 pertsona inguru batu dituen protestan, PPko iturrien arabera.
Javier De Andres Euskadiko PPko presidentea ere izan da PPk deitutako elkarretaratzean. Horren esanetan, "lotsatu" egiten du justiziaren aurka manifestatzen den jendea egoteak. "Justizia eta egia babestu nahi ditugu, eta ustelkeriaren eta PSOEko alprojen aurka manifestatu", azpimarratu du.
Atxilotu bat Revuelta gazte erakundeak PSOEren egoitzaren aurrean egindako protestan
PPk deitutako elkarretaratzeaz gain, ordubete geroago beste protesta bat egin dute sozialisten Ferrazeko egoitzaren aurrean, kasu honetan Revuelta elkarteak deituta, VOXeko gazteek, sare sozialen bidez.
400 pertsona bertaratu dira eta poliziak pertsona bat atxilotu du.
Une batzuetan, manifestariak Ferraz kalera joandako kazetarien aurka ere oldartu dira, besteak beste, TVEko erreportari bati kamera estali diote zuzenean ari zela.
Jose Pablo Lopez RTVEko presidenteak kazetariaren jazarpena salatu du. X sare sozialean zabaldutako mezu batean, Lopezek "faxistak" izatea leporatu die kazetariari bere lana egitea galarazten saiatu direnei: "Faxistak faxisten gauzak egiten, telebista publikoaren eta bere profesionalen aurka sortutako giroaren baitan, denak baliko balu bezala", idatzi du.
Zure interesekoa izan daiteke
?fmt=png-alpha&qlt=80)
Estebanek agerraldia ekainaren 24a baino lehen egiteko eskatu dio Sanchezi, eta PPk aldaketa babesteko eskatu dio EAJri
PSOEk Justiziarekin elkarlanean aritzeko prest dagoela berretsi du larunbat honetan, azken ikerketa judizialek eragindako zalaparta dela-eta.
Kuban jasaten ari diren blokeoa eta zigorrak salatzeko protesta egin dute Bilbon
Hainbat ekintzailek protesta egin dute gaur Bilboko udaletxearen aurrean, AEBk Kubaren subiranotasuna makurrarazteko ezarritako blokeo ekonomiko, energetiko eta finantzarioa salatzeko. Gainera, herrialde horretako osasun-zentroetan eguzki-panelak jartzeko "Argia eta Indarra Kubarentzat" funtsak biltzeko kanpainaren berri eman dute.
Etxebizitzarako sarbidea bermatzeko, etxebizitza-parke publiko handi bat behar dela esan du Viterok
Etxebizitzaren inguruko krisiari eta garai honetako behar handiei erantzuteko lanean jarraitzeko konpromisoa agertu du EH Bilduk gaur Gasteizen, Aihotz plazan eta horren inguruetan "Bat Egin Eguna" ospatzeko antolatu dituzten ekitaldietan.
Euskal sozialistek askatasuna eta berdintasuna defendatzen jarraituko dutela esan du Anduezak
Eneko Andueza PSE-EEko idazkari nagusiak Fernando Buesaren irudia aldarrikatu du larunbat honetan, ETAk hildako buruzagi sozialistaren omenez egindako ekitaldian. Anduezak adierazi duenez, ez nazionalistek, ez eskuinak, ezta ultraeskuinak ere, ez dute eragotziko euskal sozialistek askatasuna eta berdintasuna defendatzen jarraitzea.
Telladok, EAJri: "Edo Sanchezekin egon eta mafia boterean mantendu edo aldaketa babestu"
"Pedro Sanchezekin egotea edo demokraziarekin egotea" aukeratzeko eskatu die Miguel Tellado PPko idazkari nagusiak EAJri eta PSOE Espainiako Gobernura iristea ahalbidetu zuten gainerako alderdiei. "Ez dago beste aukerarik", erantsi du.
Estebanek kritikatu egin du PPk erantzukizuna eskatzea, jarrera "arduragabea" duen bitartean
Aitor Esteban EAJren EBBko presidenteak erantzukizuna eskatzea aurpegiratu dio PPri, horren esanetan, Voxen planteamenduei mesede egiten dien bitartean, zatiketa soziala sustatzen duen bitartean eta autogobernua dela eta etengabe konfrontazioa bultzatzen eta kritikak egiten ari den bitartean. Estebanen ustez, Sanchezek ez luke ekainaren 24ra arte itxaron beharko azalpenak emateko.
Chivitek iragarri du berriro aurkeztuko dela Nafarroako hauteskundeetara
Nafarroako Alderdi Sozialistaren Lurralde Batzordean egin du iragarpena Nafarroako presidenteak, "Alderdi Sozialistan sinesten jarraitzen dudalako".
Zupiriak ohartarazi du sektore batzuek Polizia erabiliko dutela liskarretan aitzakia gisa uda honetan
Larunbatean Loiuko aireportuan izandako istiluei buruz EH Bilduk egindako galdera bati erantzunez esan du hori Zupiria sailburuak.
Koalizio gobernuaren aurkako "ofentsiba" argia da, Lander Martinezen arabera, baina informazio "larria" ere atera dela onartu du
Radio Euskadin egin dioten elkarrizketan, Lander Martinez Sumarreko Bizkaiko diputatuak zalantzan jarri du EAJk hauteskunde orokorrak aurreratzeko egin duen eskaera Aitor Esteban EBBko presidenteak planteatutakoa bezain "gogorra eta zuzena" den.
UPNk salaketa aurkeztu du Espainiako Futbol Federazioaren aurrean, Euskal Herriko mapa daraman Athleticen kamiseta berria dela eta
Alderdi erregionalistak neurriak hartzeko galdegin dio Lehiaketa Batzordeari, eta eragotz dezala lehiaketa ofizialetan elastiko hori erabiltzea. Ohartarazi duenez, bide judizial guztiak agortzeko prest dago.