Cerdan Senatuan izango da gaur, baina ez dago argi deklaratuko duen ala ez
Santos Cerdan, PSOEko Antolakuntza idazkari ohia eta judizialki ikertua, Senatuko ikerketa batzordera joango da gaur: galderei erantzuteko edo ez erantzuteko eskubidea du.
Santos Cerdan, duela urte erdira arte PSOEko hirugarrena izan dena eta azaroan behin-behineko espetxealditik atera dena, Senatuko Koldo batzordean izango da gaur, baina ez dago argi deklaratuko duen ala ez.
Agerraldia 10:00etan izango da, Clara Campoamor aretoan. Cerdan isilik egon badaiteke ere, taldeen galderak entzun beharko ditu, PPk, Voxek eta UPNk euren txandak agortzen baitituzte erantzunik ez dagoenean ere. Batzorde horren 98. agerraldia da, eta Cerdanen bigarrena, iazko apirilaren 30ekoaren ostean.
Orduko hartan, ustezko ustelkeria auzian erantzukizun juridikorik izatea ukatu zuen, Koldo Garcia ez zela inoiz bere tutorea izan ziurtatu zuen, eta Jose Luis Abalos ministro ohiak PSOEra itzultzea eska zezakeela esan zuen, auzipetua izan ezean.
Urtebete baino gehiago geroago, 2025eko ekainean, Cerdan formalki ikertua izan zen, PSOEko diputatu eta Antolakuntza idazkari gisa dimititu zuen eta behin-behineko espetxealdian sartu zen. Soto del Realeko espetxean egon zen azarora arte, Abalos eta Koldo Garcia ere espetxe horretan sartu ziren hilabete berean.
Leopoldo Puente Auzitegi Goreneko epailearen aurrean eta prentsari egindako adierazpen laburretan, Cerdanek esan zuen akusatzen duten audioak manipulatuta egon daitezkeela. Espetxetik atera zenean, azaroaren 19an, esan zuen "gezur asko" esaten ari direla eta "manipulazio asko" izaten ari direla.
Behin baino gehiagotan errepikatu du "egin behar duenean" hitz egingo duela, joan den astelehenean Tafallan (Nafarroa) adierazi zuen bezala, epaitegira bere aldizkako sinadura baterako joatean.
Bere emaztea, Francisca Muñoz, ere deitu dute batzordera. Agerraldia astelehen honetan egitekoa zen, baina atzeratu egin zuten, bertan ez egotea justifikatzen zuen parte mediko bat aurkeztu ondoren.
Zure interesekoa izan daiteke
Accionako presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogoratu du Batzordeko presidenteak.
Ertzaintzaren operatiboaren buruak epailearen aurrean deklaratu du: "Hil egin nahi gintuzten"
Falangearen elkarretaratze baten aurrean kontramanifestazioa egiteagatik ikertzen ari diren sei pertsonak deklaratzeari uko egin diote. 22 agente zauritu ziren istiluotan, eta epaiketak aurrera jarraitzen du.
Pradalesek Europa batuagoa eta subiranoagoa izatea eskatu du, ordena global berriaren aurrean
Lehendakaria Munduko Ekonomia Foroan parte hartzen ari da aste honetan, eta paradigma globala aldaketzen ari dela ohartarazi du. Gainera, Europar Batasuna bateratuagoa eta burujabeagoa izatea eta erabakitzeko gaitasun handiagoa izatea eskatu du.
PSEk eta EAJk Gasteizko aurrekontuak hitzartu dituzte EH Bildurekin, hirugarren urtez jarraian
Gasteizko Udaleko gobernu taldeak (PSEk eta EAJk osatzen dute) EH Bildurekin adostu ditu aurtengo udal aurrekontuak, 2024koekin eta 2025ekoekin egin bezala, Rocio Vitero koalizio abertzalearen bozeramaileak iragarri duenez.
Euskadik "egonkortasunari egin diezaiokeen ekarpena" azpimarratuko du Pradalesek Davosen
Foro ekonomiko horretan lehen aldiz hartuko du parte Euskadiko lehendakariak. Imanol Pradalesen asmoa da Euskadi "lurralde fidagarri, lehiakor eta nazioarteko adostasun handiekin lerrokatutako" gisa erakustea.
Politikariek elkartasuna adierazi diete Adamuzeko biktimei
Lehendakariak euskal herritar guztien elkartasuna helarazi die biktimei. Sanchez ezbeharraren lekura joan da, eta Feijook jarraipen batzorde bat deitu du.
EH Bilduk "zorrotz" jarraituko du eraitsitako jauregiaren inguruko ikerketa, eta ustelkeria zantzurik egonez gero, ardurak eskatuko ditu
Iker Casanova EH Bilduren Bizkaiko bozeramaileak gogorarazi duenez, koalizioak salatu zuen Fiskaltzaren aurrean Irurak Bat jauregia eraitsi izana. Ikerketa martxan dagoenez, "zuhur" agertu da, baina hori bukatutakoan "zorrotz" arituko direla hitzeman du.
Ansolak berretsi du "irregulartasunik ez" zela izan eraitsitako jauregiaren kasuan, eta zinegotzi jeltzaleen errugabetasun-presuntzioa defendatu du
EAJren BBBko presidentea "harrituta" agertu da Ertzaintzak Getxoko udal bulegoak miatu dituela eta. Ansolak azpimarratu duenez, zinegotziak ez daude ikerketapean, baina EAJk "erabakiak hartuko lituzke" irregulartasunen bat edo etikoki portaera txarren bat ikusiko balu.
Lander Martinez: "Yolanda Diaz da gure aktiborik onena, eta bera izan da beti gure apustua"
Sumarreko euskal diputatuak adierazi du "mimoz" ari direla lanean alderdien artean "espazio bateratuak" eta "konfiantzazko espazioak" sortzeko, "maila instituzional bakoitzean boto-paper bakarra" egon dadin.
Elizalde: "Erakundeek eta herritarrek ez digute esker onik adierazi San Frantzisko eliza Martxoak 3 Memorialaren esku uzteagatik"
Gasteizko gotzaina kexu agertu da administrazio alorrean dagoen "moteltasun izugarria" tarteko, eta biktimen elkarteekin "tentsioa" dagoela aitortu, eta horrek "patronatu lasaia" edukitzea zailtzen duela erantsi du. Hala ere, "hainbeste urteren ostean" proiektu bat egotea positibotzat jo du, eta garrantzia kendu dio Memorialak 1976ko sarraskiaren urteurrenerako ateak ez irekitzeari.