Epaileak aske utzi du Santos Cerdan, kartzelan ia bost hilabete eman ostean
Leopoldo Puente Auzitegi Goreneko magistratuak Santos Cerdan PSOEren Antolakuntza idazkari ohia aske uztea erabaki du, frogak suntsitzeko arriskua "asko murriztu" dela iritzita.
Santos Cerdan PSOEko Antolakuntza idazkari ohiak asteazken honetan espetxetik irtetean salatu duenez, "gezurrak" eta "manipulazioak" zabaldu dituzte haren inguruan, eta senideen eta lagunen babesa eskertu ostean, "egia gailentzea eta azkenean egia horrekin justizia egitea" espero duela azpimarratu du.
Horrela hitz egin du Soto del Realeko (Madril) espetxetik atera ostean, 19:15 aldera, bera ikertzen ari den epaileak aske uztea erabaki ostean, ia bost hilabete behin-behineko espetxealdian eman ondoren.
"Esan nahi dudan lehenengo gauza da gezur asko zabaltzen ari direla eta manipulazio asko dagoela niri buruzko bi txostenen interpretazioari dagokionez. Nik uste dut egia gailenduko dela eta azkenean egia horrekin justizia egingo dela", esan die Cerdanek zain zituen kazetariei.
Leopoldo Puente Auzitegi Goreneko magistratuak Santos Cerdan PSOEko Antolakuntza idazkari ohia aske uztea erabaki du gaur, frogak suntsitzeko arriskua "asko murriztu" dela iritzita. Hori izan zen kartzelara bidaltzeko arrazoi nagusia ekainaren 30ean.
Puentek, kartzelaren ordez, Jose Luis Abalos ministro ohiak eta haren aholkulari ohi Koldo Garciak dituzten neurri berak ezarri dizkio. Kautelazko neurri gisa, hamabost egunez behin epaitegian agertzea eta Espainiatik irteteko debekua ezarri dio, pasaportea kenduta.
Epaileak adierazi duenez, Cerdanek froga-iturri garrantzitsuak ezkutatu, aldatu edo suntsitzeko arriskua oso handia zen espetxera bidali zuenean, baina "orain arte egindako ikerketaren ondorioz" arrisku hori "murriztu" egin da. Guardia Zibilaren UCO unitateak argitaratutako azken txostenaren arabera, Accionari esleitutako obra bakoitzeko % 2ko eskupekoa jasotzen zuen Servinabarrek. Guardia Zibilak ekainean egindako miaketa batean atzemandako kontratu baten arabera, PSOEren Antolakuntza idazkari ohiak 2016an Servinabar enpresaren % 45 bereganatu zuen, 6.000 euroren truke.
Magistratuak nabarmendu duenez, haren aurka zeuden "zantzu argiak indartu" diren arren, horrek ez du berez justifikatzen behin-behineko espetxealdiari eustea, eta horregatik eman du aske uzteko agindua.
Buruzagi sozialista ohiari talde kriminaleko kide izatea, eraginen trafikoa eta eroskeria leporatzen dizkiote.
Cerdanek lau hilabete eta 20 egun eman ditu Soto del Realeko espetxean, eta bost alditan eskatu dio Auzitegi Gorenari aske uzteko.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.