Santos Cerdanek dio "Inkisizioaren pareko" jazarpena jasaten ari dela
Buruzagi ohi sozialistak adierazi du Belateko tunela bikoizteko obraren esleipena, Nafarroan, "garbia eta gardena" izan zela, eta berak ez zuela inolako loturarik izan kontratazio publiko horrekin.
Santos Cerdan PSOEko Antolakuntza idazkari ohiak errugabea dela defendatu du Senatuko ikerketa batzordean, eta bere kontrako jazarpen politiko bidegabea egiten ari dela salatu du.
Cerdanen hitzetan, Belateko tunela bikoizteko obraren esleipena "garbia eta gardena" izan zen, eta berak ez zuen inolako loturarik izan kontratazioarekin. "Ez duzu aurkituko Nafarroan kontrataziorik egin duen inorekin mezurik, deirik edo elkarrizketarik", adierazi du, kasuaren inguruko "manipulazio mediatikoa" salatzearekin batera.
Buruzagi sozialista ohiak judizializatutako gertakariei buruz ez deklaratzeko eskubideari heldu dio, eta soilik bere ikerketaren testuinguru politikoari buruzko adierazpenak egin ditu. Esan duenez, plazaratutako audioak AIren bitartez “manipulatuta” daude, eta "oinarrizko eskubideak murriztuta eta inolako justifikazio zehatzik gabe" jazartzea kritikatu du, hori "Inkisizioarekin" alderatuz.
Cerdanek, halaber, ukatu egin du PSOE legez kanpo finantzatu izana alderdiko 'hirugarrena' izan zen garaian, eta 2017ko primarioetako dirua ez zuela inoiz kontrolatu ziurtatu du. Kanpaina Kontu Auzitegiak ikuskatutako mikrokredituen sistema baten bidez finantzatu zela ziurtatu du.
Era berean, esan du ez duela inolako loturarik Leire Diez PSOEko militante ohiari, Vicente Fernandez SEPIko presidente ohiari eta Antxon Alonso enpresaburuari eragin zien Estatuko Industria Partaidetzarako Sozietatearen (SEPI) ustezko ustelkeria sarearekin.
Buruzagi sozialista ohiak adierazi duenez, Carles Puigdemont Juntseko buruzagiarekin Bruselan amnistia negoziatzea mugarria izan zen, eta, bere ustez, bere gainbeheraren hasiera izan zen. Ziurtatu du bileraren ostean hainbat indar politikok "kontuz" ibiltzeko esan ziotela eta eskolta eraman behar izan zuela. "Itunaren egileetako bat ez banitza, nire kasua ez zen lehertuko gertatu zen bezala", adierazi du.
2023an Pedro Sanchezen inbestidurarako EH Bildurekin eta Kataluniako alderdi independentistekin izandako negoziazioei buruz, Cerdanek aitortu du maila pertsonalean ez zituela ekintza batzuk errepikatuko, baina politikoki behar zuena egin zuela defendatu du, horrek eragin zuen kostu pertsonal eta familiar handia deitoratuz.
Azkenik, Cerdanek berretsi du errugabea dela eta lehenago edo geroago frogatuko dela ez dela ustela, justifikaziorik gabeko jazarpen politikoa jasaten ari dela baizik.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.