Gaurko aurreikusita zegoen Aldebiko Batzordearen bilera atzeratu dute, eskumenak transferitzeko berme nahikorik ez zegoelako
Batzarra ostiralean utzi zuten bertan behera, uztailean hitzartutako "gutxieneko baldintza tekniko, ekonomiko eta juridikoak" betetzen ez zirela ikusita. Urtarrilaren 16rako egin dute berriro hitzordua bi aldeek.
Ubarretxena, ostiralean, Madrilen. Argazkia: Irekia
Gaur egin behar zuten Eusko Jaurlaritzak eta Espainiako Gobernuak bost eskumenen transferentzia ixteko Transferentzien Aldebiko Batzordearen bilera, baina azkenean, jakina denez, batzarra bertan behera geratu da eskualdatzea gauzatzeko bermerik ez dagoela iritzita. Urtarrilaren 16rako egin dute hitzordua bi aldeek.
Honakoen inguruko akordioa itxi behar zuten gobernuek: Itsas salbamenduko eskualdaketak, Barakaldoko makineria egiaztatzeko zentroa, eskola-asegurua, Gizarte Segurantzaren ordaindutakoaren araberakoak ez diren prestazioak eta langabezia-prestazioak. Jaurlaritzak eta Espainiako Gobernuak uztailean, akordio politiko baten bidez, adostu zituzten denak.
Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak ziurtatu duenez, Jaurlaritzak "erantzukizunez" jokatu du Espainiako Gobernuarekin hitzartutako transferentziak akordioan adostu bezala "gauzatu arte" itxaronda. Gainera, berretsi du gaur-gaurkoz ez direla betetzen adostutako "gutxieneko baldintza tekniko, ekonomiko eta juridikoak".
Batzarra ostiralean atzeratu zuten, Maria Ubarretxena Gobernantza, Administrazio Digital eta Autogobernuko sailburua eta Elma Saiz Inklusio, Gizarte Segurantza eta Migrazio ministroa Madrilen bildu eta egun eskasera. Orduko hartan, aurrerapausoak ikusi zituen Jaurlaritzak, baina baita "oztopo tekniko, administratibo eta ekonomiko nabarmenak" ere.
Espainiako Gobernuak Gernikako Estatutua betetzeko konpromisoa berretsi du, baina zehaztu du gaur egun ez dagoela berme juridikorik eskualdatze horiek gauzatzeko, batez ere Gizarte Segurantzaren kasuan.
Ingurumari horretan, Joseba Diez Antxustegi EAJk Eusko Legebiltzarrean duen bozeramaileari "ulertezina" iruditu zaio Pedro Sanchez Espainiako gobernuburuak hitzartutako akordio politikoa ez betetzea, eta gauzak horrela, uste du jeltzaleek "eskuak libre" dituztela Kongresuan PSOEren neurrien kontra bozkatzeko.
Zure interesekoa izan daiteke
EHUk Arabako campusa itxiko du astelehenean, Voxen ekitaldi bat dela-eta
Alderdi ultraeskuindarrak otsailaren 23aren oroigarri gisa egin du deialdia, baita ere “unibertsitatean askatasuna defendatzeko ezker abertzalearen aurrean”.
Eudelek aurrekontuak luzatu ditu 40 urtean lehen aldiz, EH Bilduren abstentzioa tarteko
EH Bildu atzo iragarri zuenez, koalizio abertzaleko zinegotziek aurrekontua atzera botatzeko asmoa zuten, gaurko bozketan abstenituz, EAJk bultzatutako zuzendari berriaren hautaketa prozesuarekin ados ez zeudelako. Esther Apraiz Eudeleko presidenteak "etsipen instituzionala" adierazi du luzapenaren aurrean, eta ohartarazi du horrek "zaildu" egingo duela hainbat proiektu egitea.
Jaurlaritzak begi onez hartu du bizitzeko baimena berritu nahi duten migratzaileei hizkuntza ofizialetan egiten jakitea eskatzea
Kataluniako Gobernuak egin du proposamena, hizkuntza kohesiorako eta hobeto integratzeko elementu gisa baliatu daitekeelakoan. Ildo horretatik, euskara jakitea migratzaileen integrazio prozesua indartzeko kohesio tresna izatea nahi du Eusko Jaurlaritzak.
Eusko Jaurlaritzaren eta Osasun Ministerioaren arteko talka: hauek dira medikuen eskaerei eta profesional faltari erantzuteko proposamenak
Alberto Martinez sailburuak neurriak eskatu dizkio Monica Garcia ministroari medikuen aldarrikapenei eta osasun-langileen faltari aurre egiteko.
Eusko Legebiltzarrak Fernando Buesa eta Enrique Casas eraildako sozialistak gogoratu ditu
Enrique Casas 1984ko otsailaren 23an hil zuten Komando Autonomo Antikapitalistek, eta Fernando Buesa bere bizkartzain Jorge Diezekin batera hil zen, ETAren atentatu batean, 2000ko otsailaren 22an. Legebiltzarreko Mahaiak 2014ko otsailean erabaki zuen erakunde terroristek hildako lau euskal legebiltzarkideak —Fernando Buesa, Enrique Casas, Gregorio Ordoñez eta Santiago Brouard— omentzea, erailketaren egunetik hurbilen dagoen osoko bilkuran.
Rufian: "Zer zentzu du gauza bera defendatzen duten ezkerreko 14 alderdik elkarren artean lehiatzeak?"
'Oraina borrokatu, etorkizuna irabazteko' goiburupean, ERCko buruzagiak antolatutako ekitaldian Estatu espainiarreko ezkerreko alderdi guztiek hartu dute parte, EH Bilduk, Podemosek eta BNGk izan ezik.
Sanchezek dio "irmo" jokatu dutela Polizia Nazionalaren bigarrenaren aurkako salaketaren berri izan ostean, eta ez du uste Marlaskak dimisioa eman behar duenik
New Delhin egindako prentsaurreko batean, Espainiako Gobernuko presidenteak esan du hasiera-hasieratik "biktimari" babesa eman diotela eta Jose Angel Gonzalez bere postutik kendu dutela. "Eta, hortik aurrera, ikerketa amaieraraino eramango da, ondorio guztiekin", gaineratu du.
Aburtok amaitutzat eman du Aitor Estebanekin izandako desadostasuna, eta atxilotuen jatorria argitaratu gabe jarraituko du
Bilboko alkateak Segurtasunaren aldeko Itunarekin lotu du bere erabakia, PSErekin, EH Bildurekin eta Elkarrekin Bilbaorekin sinatua.
Marlaskak esan du salatzaileak eskatuz gero emango duela dimisioa
Barne ministroak ez du aintzat hartu PPren dimisio eskaera, eta defendatu egin du Polizia Nazionalaren bigarrenaren aurkako kereilaren aurrean izan duen jarrera.
Denis Itxasok bideratutzat jo ditu Pradales lehendakariarekin izandako desadostasunak
Eusko Jaurlaritzako Etxebizitza eta Hiri Agenda sailburuak adierazi du desadostasunak bideratuta daudela, baina lehendakariak eta biek hitz egin beharra dutela oraindik, eta aste honetan bilduko direla. Bide batez, Aitor Esteban EAJko EBBren bururari gogorarazi dio arazoa konpontzear dagoela eta presio egiteak ez duela mesederik egiten. Donostian azken urteotan etxebizitza babestuarekin izan den arazoaz ere mintzatu da Euskadi Irratian.