UNRWA agentziak, Bera Bera Eskubaloia taldeak eta Juan Mari Atutxak jaso dituzte 2025eko Sabino Arana sariak
Beste hauek ere saritu dituzte: Eduardo Anitua medikua, Enrike Zelaia musikari eta folklorista eta Etxeondo enpresa. Arantxa Tapia Sabino Arana Fundazioko presidentearen hitzetan, sarituek "sustraiak galdu gabe aurrera egiten duen benetako eta eguneroko Euskadi hori hezurmamitzen dute".
2025eko saridunen "familia-argazkia". Irudia: EFE
Imanol Pradales lehendakari buru zela, Sabino Arana sarien XXXVII. edizioa egin dute gaur Bilboko Arriaga Antzokian. Aurten, besteak beste, Nazio Batuen UNRWA agentziari eman diote saria, Palestinan egindako lanagatik. Bera Bera Eskubaloia taldeak ere jaso du golardoa, baita Juan Mari Atutxa behinola Sabino Arana Fundazioaren presidente izandakoak ere.
Horiekin batera, Eduardo Anitua medikuaren eta Enrike Zelaia musikari eta folkloristaren ibilbideak goraipatu nahi izan ditu Sabino Arana Fundazioak, baita Etxeondo ehungintza-enpresaren lana ere.
EAEko ordezkaritza instituzional, sozial eta kultural zabala parean zuela, Arantxa Tapia Sabino Arana Fundazioaren egungo presidenteak esan du sariek "oso bestelakoak diren ibilbideak aitortzen dituzten arren, hari berak josten dituela guztiak: gizarteari eskainitako zerbitzua eta Euskadirekiko konpromisoa". Horren hitzetan, saritutako pertsonek eta erakundeek "sustraiak galdu gabe aurrera egiten duen benetako eta eguneroko Euskadi hori hezurmamitzen dute".
Raquel Marti UNRWA Espainiako zuzendari exekutiboak esker ona azaldu du sariagatik, "babes eta erresistentzia keinua" delakoan, berealdiko larritasun humanitarioa dakarren ingurumari batean. Agentziako taldeek Gazan eta UNRWAk lan egiten duen gainerako lurraldeetan egunero egiten duten lana nabarmendu du Martik, "giza duintasuna defendatzea negoziatu ezin den ekintza baita".
Kirol arloan, Bera Bera Eskubaloiaren balioak azpimarratu ditu, lortu dituen tituluak baino gehiago. Tatiana Garmendia Bera Bera klubeko Eskubaloi saileko arduradunak adierazi duenez, kluba "ezagunagoa da gauzak egiten dituen moduagatik lortu dituen tituluengatik baino gehiago", eta talde-lana, konpromiso kolektiboa eta aukera-berdintasuna nabarmendu ditu. Alba Menendez kapitain ohiaren esanetan, Bera Beran aritzea "bizitzako eskola" izan da, ikasbidea.
Hunkituta eta txalo-zaparrada entzunez jaso du saria Juan Mari Atutxak. Urte askotan Sabino Arana Fundazioaren presidente, Herrizaingo sailburu eta Eusko Legebiltzarreko presidente izandakoak erakundeetan egindako ibilbidean lagun izan dituen pertsona guztiekin partekatu nahi izan du saria, bereziki "indarkeriaren urte gogorrenetan" bere segurtasuna bermatu zutenekin. Atutxak memoria, bizikidetza demokratikoa eta "polarizazioari demokrazia gehiagoz eta hobeaz aurre egiteko beharra" defendatu du. Azkenik, gogora ekarri du Begoña Zalduegi Etxebarria emaztea (2023an hil zen), "emakume aparta izan zen Begoñaren itzalpean hainbeste hobetu zelako gaur argi hauen azpian ikusten duzuen gizon hau".
Honako hauek ere saritu dituzte gaur: Eduardo Anitua medikua, Enrike Zelaia musikari eta folklorista eta Etxeondo enpresa.
Zure interesekoa izan daiteke
Pradalesek gehiengo sindikala hartuko du gaur, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.